ആകാശത്തിലൂടെ പറക്കണ്ട വിമാനം റോഡില്‍ വെച്ച് കണ്ടാല്‍ ആരും ഒന്ന് അതിശയിക്കും. ഇത്തരത്തില്‍ റോഡിലെ പാലത്തില്‍ കുടുങ്ങികിടക്കുന്ന വിമാനത്തിന്റെ ദൃശ്യങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലാവുന്നത്. ചൈനയിലെ ഹാര്‍ബിനില്‍ നിന്നാണ് ഈ കാഴ്ച്ച.
എന്നാല്‍ ചിത്രത്തിന്റെ പിറക് വശം പലര്‍ക്കും അറിയില്ല. ഇതിന്റെ സത്യാവസ്ഥ മനസിലാക്കാനുള്ള വീഡിയോയും ചിത്രത്തിനൊപ്പം വൈറലാവുന്നുണ്ട്. വിമാനം റോഡിലൂടെ പോവുകയായിരുന്നു എന്നത് വാസ്തവമാണ്.
എന്നാല്‍ ഒരു ട്രക്കിലായിരുന്നു വിമാനം കൊണ്ടുപോയത്. അങ്ങനെ ഒരു പാലത്തിനടിയിലൂടെ വിമാനവുമായി ട്രക്ക് കടന്നുപോകുന്നതിനിടെ വിമാനം പാലത്തിനടിയില്‍ കുടുങ്ങുകയായിരുന്നു. പൊളിക്കാന്‍ കൊണ്ടുപോകുന്ന വിമാനമായിരുന്നു ഇത്.
കുടുങ്ങികിടക്കുന്ന ട്രാക്കിന്റെ ടയറുകള്‍ അഴിച്ചുനീക്കി, ട്രക്കിന്റെ ഉയരം കുറച്ചാണ് വിമാനത്തെ പാലത്തിനടിയില്‍ നിന്ന് രക്ഷിച്ചെടുത്തത്. റോഡിലൂടെ പോവുന്ന വിമാനം പാലത്തിന്റെ അടിയില്‍ കുടുങ്ങികിടക്കുന്ന വീഡിയോ നിമിഷനേരം കൊണ്ടാണ് സോഷ്യല്‍ മീഡിയയില്‍ വൈറലായത്.
An airplane was stuck under a footbridge in Harbin, China. Watch how it was removed by a witty driver pic.twitter.com/Puxi4l1AEa
— China Xinhua News (@XHNews) October 21, 2019