ന്യൂഡല്‍ഹി : സ്ത്രീകളുടെ വിവാഹപ്രായം ഉയര്‍ത്തുന്നതിനെ എതിര്‍ക്കുന്നവര്‍ താലിബാന്‍ ചിന്താഗതിയുള്ളവരെന്ന് കേന്ദ്രമന്ത്രി മുഖ്താര്‍ അബ്ബാസ് നഖ്വി. തീരുമാനത്തെ എതിര്‍ക്കുന്നവര്‍ യഥാര്‍ഥ ഹിന്ദുസ്ഥാനികളല്ലെന്നും അവര്‍ താലിബാന്‍ മനോഭാവം വെച്ചുപുലര്‍ത്തുന്നവരാണെന്നും ഇന്ത്യയിലെ സ്ത്രീകളുടെ ഭരണഘടനാപരമായ അവകാശങ്ങളെ താലിബാന്‍ മനോഭാവം സ്വാധീനിക്കരുതെന്നും അദ്ദേഹം പറഞ്ഞു.
#WATCH | Delhi: Union Minister of Minority Affairs, Mukhtar Abbas Naqvi says, "…Some statements surprise me. They say girls will turn rogue if married off at the age of 21. Why will they turn rogue? Don't you trust them? Such mindset can only be 'Talibani', not 'Hindustani'…" pic.twitter.com/21SDrCZLkL
— ANI (@ANI) December 18, 2021
“വിവാഹപ്രായം ഉയര്‍ത്തുന്നതുമായി ബന്ധപ്പെട്ട തീരുമാനത്തെ ചില ആളുകള്‍ എതിര്‍ക്കുന്നു എന്ന കാര്യം ഞെട്ടിപ്പിക്കുന്നതാണ്. ഇത്തരത്തിലുള്ള ചിന്ത താലിബാന്‍ മനോഭാവമുള്ളവര്‍ക്കേ ഉണ്ടാകൂ. ഹിന്ദുസ്ഥാനികള്‍ ഇത്തരത്തില്‍ ചിന്തിക്കില്ല.” ഡല്‍ഹിയില്‍ നടന്ന ന്യൂനപക്ഷ അവകാശദിനത്തില്‍ സംസാരിക്കവേ അദ്ദേഹം പറഞ്ഞു.
രാജ്യത്തെ സ്ത്രീകളുടെ ഭരണഘടനാപരമായ അവകാശങ്ങളെ താലിബാന്‍ മനോഭാവക്കാര്‍ സ്വാധീനിക്കരുതെന്നും ഇസ്ലാമിക രാജ്യങ്ങള്‍ അടക്കം നിരവധിയിടങ്ങളില്‍ ഇത്തരത്തില്‍ സ്ത്രീകളുടെ വിവാഹപ്രായം സംബന്ധിച്ച് മാറ്റം വരുത്തിയിട്ടുണ്ടെന്നും മന്ത്രി കൂട്ടിച്ചേര്‍ത്തു.
Discussion about this post