സൈബര്‍ ലോകത്ത് വൈറലായി റോഡിലൂടെയുള്ള സിംഹങ്ങളുടെ രാജകീയ യാത്ര.
കൂടിനിന്ന കാഴ്ചക്കാരെയും വാഹനങ്ങളെയൊന്നും ഗൗനിക്കാതെ രാജകീയമായി നടന്നു വരുന്ന സിംഹങ്ങളുടെ കൂട്ടമാണ് പുതിയ സോഷ്യല്‍ മീഡിയയിലെ വൈറല്‍ താരങ്ങള്‍.
ഭീതിയുടെ നിമിഷങ്ങളെ മുന്നില്‍ കണ്ട് പകര്‍ത്തിയ സിംഹയാത്രയുടെ വീഡിയോ ഇതിനകം ഇരുപതു ലക്ഷത്തിലേറെ പേര് കണ്ടുകഴിഞ്ഞു.
സൗത്ത് ആഫ്രിക്കയിലെ ക്രുഗര്‍ നാഷണല്‍ പാര്‍ക്കില്‍ നിന്നാണ് ഈ വേറിട്ട കാഴ്ച. നാല് സിംഹങ്ങളാണ് സഞ്ചാരികളുടെ കാറുകള്‍ക്ക് മുന്നിലൂടെ മന്ദം മന്ദമായി നടന്ന് നീങ്ങിയത്. ഇതോടെ വാഹനങ്ങളും സഞ്ചാരികളും വേഗം കുറച്ച് സിംഹങ്ങളുടെ രാജകീയ യാത്രയ്ക്ക് പിന്നാലെ കൂടി. എതിര്‍ വശത്തിലൂടെ വരുന്ന കാറിലുള്ളവരാണ് ദൃശ്യങ്ങള്‍ പകര്‍ത്തിയത്.
