പൃഥ്വിരാജ് പ്രൊഡക്ഷന്‍സും സോണി പിക്ചേഴ്സും ആദ്യമായി കൈകോര്‍ക്കുന്ന ചിത്രമാണ് 9. ഫെബ്രുവരി 7 നാണ് ചിത്രം റിലീസ് ചെയ്യുന്നത്. ചിത്രത്തിലെ ആദ്യ ഗാനം പുറത്തുവിട്ടിരിക്കുകയാണ് അണിയറ പ്രവര്‍ത്തകര്‍. പൃഥ്വിരാജും മംമ്ത മോഹന്‍ദാസും ഒന്നിച്ചുള്ളൊരു റൊമാന്റിക് ഗാനമാണ് റിലീസ് ചെയ്തത്.
‘അകലെയൊരു താരകമായ്’ എന്നു തുടങ്ങുന്ന ഗാനം ആലപിച്ചിരിക്കുന്നത് ഹാരിബ് ഹുസൈനും ആനി ആമിയും ചേര്‍ന്നാണ്. ഹരിനാരായണന്‍, പ്രീതി നമ്പ്യാര്‍ എന്നിവരുടേതാണ് വരികള്‍. സംഗീതം ഷാന്‍ റഹ്മാന്‍.
സിനിമയുടെ തിരക്കഥയും ജെനുസ് തന്നെയാണ് ഒരുക്കിയിരിക്കുന്നത്. അച്ഛന്റെയും മകന്റെയും വൈകാരികമായ കഥയാണ് ചിത്രം പറയുന്നതെന്ന് പൃഥിരാജ് തന്നെ വെളിപ്പെടുത്തിയിരുന്നു.
‘ഗോദ’യിലൂടെ മലയാളത്തിലെത്തിയ വാമിഖയാണ് ചിത്രത്തിലെ നായിക. മംമ്ത മോഹന്‍ദാസും ഒരു പ്രധാന വേഷത്തില്‍ എത്തുന്നുണ്ട്. ഡോ. ഇനയത്ത് ഖാന്‍ എന്ന ശ്രദ്ധേയ കഥാപാത്രമായി പ്രകാശ് രാജും ചിത്രത്തിലുണ്ട്.
Discussion about this post