മുകേഷ് അംബാനിയുടെയും നിത അംബാനിയുടെയും മകന്‍ ആകാശ് ആംബാനിയുടെ വിവാഹാഘോഷങ്ങള്‍ നടന്ന് കൊണ്ടിരിക്കുകയാണ്. റസല്‍ മേത്തയുടെ മകള്‍ ശ്ലോക മേത്തയാണ് ആകാശിന്റെ വധു. കഴിഞ്ഞ ദിവസം വിവാഹത്തിന് മുന്നോടിയായി കുടുംബം അന്നദാനം നടത്തിയിരുന്നു. അതിനിടയിലെ ഒരു വീഡിയോയാണ് സമൂഹമാധ്യമങ്ങളില്‍ വൈറലായിരിക്കുന്നത്.
ഒറ്റയ്ക്ക് ഫോട്ടോയ്ക്ക് പോസ് ചെയ്യാന്‍ ഫോട്ടോഗ്രാഫര്‍ ആവശ്യപ്പെട്ടു. അതിനു ആകാശ് നല്‍കിയ മറുപടി ഇങ്ങനെ ‘കല്ല്യാണമല്ലേ… ജന്മദിനാഘോഷമൊന്നുമല്ലാലോ, ഇനി ഞങ്ങള്‍ രണ്ടു ശരീരവും ഒരു ആത്മാവുമാണ്’.ശ്ലോക ചിരിക്കുമ്പോള്‍ ചിത്രങ്ങളെടുക്കണേ എന്ന് ആകാശ് ഫോട്ടോഗ്രാഫറോട് അഭ്യാര്‍ത്ഥിച്ചു. ഇതുകേട്ട് ശ്ലോക ചിരിക്കുന്നതും ആകാശിനോട് എന്തോ പറയാന്‍ ശ്രമിക്കുന്നതും വീഡിയോയില്‍ കാണാം. രസകരമായ വീഡിയോ സമൂഹമാധ്യമങ്ങളില്‍ വൈറലായിരിക്കുകയാണ്. ഇന്ന് ബാന്ദ്രയിലുള്ള ജിയോ വേള്‍ഡ് സെന്ററില്‍ വെച്ചാണ് ഇവരുടെ വിവാഹം. ഇരുവരും ഒരുമിച്ച് പഠിച്ചവരാണ്.