കാസര്‍ഗോഡ്: ഏവര്‍ക്കും അത്ഭുതമായിരുന്ന കുമ്പള അനന്തപുരം ക്ഷേത്ര കുളത്തിലെ മുതല ബബിയ മരിച്ചു.കേരളത്തിലെ ഏക തടാക ക്ഷേത്രമാണ് അനന്തപുരം അനന്തപത്മനാഭസ്വാമി ക്ഷേത്രം. ഇവിടെ വസിച്ചിരുന്ന ത്തിലെ ബബിയ എന്ന മുതല ഭക്തര്‍ക്ക് അത്ഭുതമായിരുന്നു. 75 വയസിലേറെ പ്രായമുണ്ട് എന്നാണ് കണക്കാക്കുന്നത്.
ക്ഷേത്രത്തിലുണ്ടായിരുന്ന ഒരു മുതലയെ 1945ല്‍ ബ്രിട്ടിഷ് സൈനികന്‍ വെടിവച്ചുകൊന്നെന്നും ദിവസങ്ങള്‍ക്കുള്ളില്‍ ബബിയ ക്ഷേത്രക്കുളത്തില്‍ പ്രത്യക്ഷപ്പെട്ടു എന്നുമാണ് ഭക്തരുടെ വിശ്വാസം. പൂര്‍ണമായും സസ്യാഹാരിയാണ് ബബിയ എന്നതാണ് പ്രത്യേകത.
തിരുവനന്തപുരത്തെ ശ്രീപത്മനാഭ സ്വാമി ക്ഷേത്രത്തിന്റെ മൂലസ്ഥാനമാണ് അനന്തപത്മനാഭ സ്വാമി ക്ഷേത്രമെന്നാണ് ഐതിഹ്യം. രാവിലെയും ഉച്ചയ്ക്കുമുള്ള പൂജകള്‍ക്കുശേഷം നല്‍കുന്ന നിവേദ്യമാണ് ബബിയയുടെ ഏക ഭക്ഷണം.
ബബിയയ്ക്ക് നല്‍കുന്ന നിവേദ്യം ഇവിടെ പ്രധാന വഴിപാടാണ്. ഇഷ്ടകാര്യ സാധ്യത്തിനാണ് ഭക്തര്‍ വഴിപാട് നടത്താറുളളത്. നിവേദ്യം പൂജാരി കുളത്തിലെത്തി കൊടുക്കും. അനുസരണയോടെ കുളത്തില്‍ നിന്നും പൊങ്ങി വന്ന് ഭക്ഷണം കഴിക്കുന്ന ബബിയ എല്ലാവര്‍ക്കും വിസ്മയമായിരുന്നു. കുളത്തിലെ മറ്റ് ജീവജാലങ്ങളെയും മല്‍സ്യങ്ങളെയും ബബിയ ഉപദ്രവിച്ചതായി ആര്‍ക്കും ഓര്‍മയില്ല.
Discussion about this post