തിരുവനന്തപുരം: സംസ്ഥാനത്ത് ഞായറാഴ്ചകളിലെ സമ്പൂര്ണ ലോക്ക്ഡൗണ് ഒഴിവാക്കി. ഇനി മുതല് ഒരു ഞായറാഴ്ചകളിലും സംസ്ഥാനത്ത് പൂര്ണ അടച്ചിടല് ഉണ്ടാകില്ല. മുഖ്യമന്ത്രിയുടെ ഓഫീസാണ് ഇക്കാര്യം അറിയിച്ചത്.
എന്നാല് കണ്ടെയ്ന്മെന്റ് സോണുകളിലും മറ്റ് തീവ്രബാധിതമേഖലകളിലുമുള്ള എല്ലാ ജാഗ്രതാ നിര്ദേശങ്ങളും അതേപോലെ തുടരും. ഇവിടങ്ങളില് നിയന്ത്രണങ്ങളില് ഒരു വിട്ടുവീഴ്ചയുമുണ്ടാകില്ല.
അതേസമയം കൊവിഡിനെതിരെ ജാഗ്രത പാലിക്കണമെന്നും സര്ക്കാര് നിര്ദേശങ്ങള് അനുസരിക്കണമെന്നും സര്ക്കാര് വ്യക്തമാക്കുന്നു. ഉടന് ഇത് സംബന്ധിച്ച് വിശദമായ ഉത്തരവിറക്കുമെന്നും മുഖ്യമന്ത്രിയുടെ ഓഫീസ് വ്യക്തമാക്കി.
Discussion about this post