മാഞ്ചസ്റ്റര്‍: നിര്‍ണ്ണായകമായ ലോകകപ്പ് മത്സരത്തില്‍ ടോസ് നേടിയ പാകിസ്താന് ഇന്ത്യയെ ബാറ്റിങിനയച്ചു. ടോസ് നേടിയ പാക്കിസ്ഥാന്‍ നായകന്‍ സര്‍ഫ്രാസ് ബൗളിംഗ് തെരഞ്ഞെടുക്കുകയായിരുന്നു. പരിക്കേറ്റ ശിഖര്‍ ധവാന് പകരം ഇന്ത്യ കെ എല്‍ രാഹുലിനെ ഓപ്പണറാക്കിയിറക്കി നിര്‍ണായകമായ നാലാം നമ്പറില്‍ വിജയ് ശങ്കറിനും അവസരം നല്‍കി. രണ്ട് സ്പിന്നര്‍മാരുമായാണ് പാകിസ്താന് കളിക്കുന്നത്.
ലോകകപ്പ് മത്സരങ്ങളില്‍ പരസ്പരം ഏറ്റുമുട്ടിയപ്പോഴെല്ലാം വിജയം നേടാനായെന്ന ആത്മവിശ്വാസവുമായാണ് ഇന്ത്യ പോരാട്ടത്തിനിറങ്ങു്‌നത്. അതേസമയം, തുടര്‍ തോല്‍വികള്‍ക്ക് ഒടുവില്‍ ഇന്ത്യയെ തകര്‍ത്ത് വിജയം സ്വന്തമാക്കാമെന്നാണ് പാകിസ്താന്റെ കണക്കുകൂട്ടല്‍.
അതേസമയം മത്സരം മഴയുടം ഭീഷണി നിഴലിലാണ്. രണ്ടാം ഇന്നിങ്‌സില്‍ മഴപെയ്യുമെന്നായിരുന്നു നേരത്തെയുള്ള പ്രവചനം. എന്നാല്‍ മത്സരത്തിന് മണിക്കൂറുകള്‍ക്ക് മുന്‍പേ മാനം തെളിഞ്ഞത് ആശ്വാസ വാര്‍ത്തയാണ്
Discussion about this post