സൈനദേശീയ വനിതാ ബാഡ്മിന്റണില്‍ പിവി സിന്ധുവിനെ പരാജയപ്പെടുത്തി ദേശീയ വനിതാ ബാഡ്മിന്റണ്‍ കിരീടം നിലനിര്‍ത്തി സൈന നെഹ്വാള്.
ഗുവാഹത്തിയില്‍ നടന്ന കലാശ പോരില്‍ മികച്ച മത്സരം കാഴ്ച്ച വെച്ച പിവി സിന്ധുവിനെ പരാജയപ്പെടുത്തിയാണ് സൈന സ്വന്തമാക്കിയത്. കഴിഞ്ഞ വര്‍ഷവും സിന്ധുവിനെ കീഴ്‌പ്പെടുത്തിയാണ് സൈന ദേശീയ ചാമ്പ്യയായത്. സ്‌കോര്‍: 21-18, 21-15
പതിയെ തുടങ്ങി മത്സരം വരുതിയിലാക്കുന്ന സ്ഥിരം തന്ത്രം തന്നെയായിരുന്നു സിന്ധുവിനെതിരെയും സൈന പുറത്തെടുത്തത്. ആദ്യ മത്സരത്തില്‍ സിന്ധുവുമായി ഇഞ്ചോടിഞ്ച് വ്യത്യാസത്തില്‍ പോരാടിയ സൈന ഒരു ഘട്ടത്തില്‍ 11-10 എന്ന നിലയിലായിരുന്നു. തുടര്‍ന്ന് മത്സരം വരുതിയിലാക്കിയ സൈന ആദ്യ സെറ്റ് കൈകലാക്കുകയായിരുന്നു.
രണ്ടാം മത്സരം, തുടക്കത്തില്‍ പിന്നിട്ടു നിന്ന ശേഷം തിരിച്ചു പിടിച്ച സൈന, സിന്ധുവിനെ വീഴ്ത്തി കിരീടം ചൂടി. നേരത്തെ പുരുഷ വിഭാ
ഗത്തില്‍ ലക്ഷ്യ സെന്നിനെ 21-18, 21-13 എന്ന സ്‌കോറിന് പരാജയപ്പെടുത്തിയ സൗരഭ് വര്‍മ തുടര്‍ച്ചയായ മൂന്നാം തവണയും കിരീടം നേടി.