നാഗ്പുര്‍: അത്ഭുതങ്ങളൊന്നും സൗരാഷ്ട്രയ്ക്ക് നടപ്പാക്കാനായില്ല, രഞ്ജി ട്രോഫി തുടര്‍ച്ചയായി രണ്ടാം തവണയും വിദര്‍ഭയ്ക്ക് സ്വന്തം. നാലാം ഇന്നിങ്സില്‍ 127 റണ്‍സിന് സൗരാഷ്ട്രയെ എറിഞ്ഞിട്ടാണ് വിദര്‍ഭ കപ്പടിച്ചത്. 78 റണ്‍സിനായിരുന്നു വിദര്‍ഭയുടെ വിജയം. രണ്ടാം ഇന്നിങ്സില്‍ 206 റണ്‍സ് വിജയലക്ഷ്യവുമായി ഇറങ്ങിയ സൗരാഷ്ട്രയെ ഉമേഷ് യാദവിന്റെ നേതൃത്വത്തിലെ ബോളിങ് സംഘമാണ് എറിഞ്ഞിട്ടത്.
സ്‌കോര്‍: വിദര്‍ഭ 312 & 200, സൗരാഷ്ട്ര 307 & 127
രണ്ട് ഇന്നിങ്സിലുമായി 11 വിക്കറ്റ് വീഴ്ത്തിയ ആദിത്യ സര്‍വാതെയാണ് വിദര്‍ഭയ്ക്ക് ജയമൊരുക്കിയത്. ആദ്യ ഇന്നിങ്സില്‍ അഞ്ചു വിക്കറ്റുകള്‍ വീഴ്ത്തിയ ആദിത്യ സര്‍വാതെ, രണ്ടാം ഇന്നിങ്സില്‍ ആറുപേരെ പുറത്താക്കി. സര്‍വാതെയാണ് കളിയിലെ താരം. സൗരാഷ്ട്രയുടെ മൂന്നാം രഞ്ജി ഫൈനല്‍ തോല്‍വിയാണിത്. നേരത്തെ 2013-ലും 2016-ലും സൗരാഷ്ട്ര ഫൈനലില്‍ പരാജയപ്പെട്ടിട്ടുണ്ട്.
Discussion about this post