കൊച്ചി: തുടര്‍ച്ചയായ തിരിച്ചടികളില്‍ നിന്നും കരകയറാന്‍ തയ്യാറെടുത്ത് കേരളാ ബ്ലാസ്റ്റേഴ്സ്. ഡേവിഡ് ജെയിംസ് പരിശീലക സ്ഥാനമൊഴിഞ്ഞതോടെ ബ്ലാസ്റ്റേഴ്സിന്റെ പുതിയ പരിശീലകനായി നെലോ വിംഗാഡ കൊച്ചിയില്‍ എത്തി. പ്രൊഫസര്‍ എന്ന് അറിയപ്പെട്ടുന്ന വിംഗാഡ ട്രെയിനിങ് സെഷനുകളിലും പങ്കെടുത്തു. കേരള ബ്ലാസ്റ്റേഴ്സ് അസിസ്റ്റന്റ് പരിശീലകന്‍ തങ്ബോയ് സിംഗ്ടോ താരങ്ങളെയും മറ്റു സാഹചര്യങ്ങളും നെലോ വിംഗാഡയ്ക്ക് പരിചയപ്പെടുത്തി.
ഇന്നലെ കേരള ബ്ലാസ്റ്റേഴ്സും എഫ്‌സി കേരളയുമായി സന്നാഹ മത്സരം നടത്തിയിരുന്നു. അതിന്റെ വിശകലനവും വിംഗാഡ നടത്തി. മുമ്പ് നോര്‍ത്ത് ഈസ്റ്റ് യുണൈറ്റഡിനെ പരിശീലിപ്പിച്ച ഐഎസ്എല്‍ പരിചയം വിംഗാഡയ്ക്ക് ഉണ്ട്.
25ന് എടികെയുമായുള്ള മത്സരമാണ് വിംഗാഡയുടെ കീഴിലെ കേരള ബ്ലാസ്റ്റേഴ്സിന്റെ ആദ്യ മത്സരം.
Discussion about this post