സിഡ്നി: നാളെ ഇന്ത്യയ്‌ക്കെതിരെ സിഡ്‌നിയില്‍ നടക്കാനിരിക്കുന്ന ആദ്യ ഏകദിനത്തിനുള്ള പ്ലേയിംഗ് ഇലവനെ പ്രഖ്യാപിച്ച് ഓസ്ട്രേലിയ.പേസ് ബൗളര്‍ പീറ്റര്‍ സിഡിലിനെ ഉള്‍പ്പെടുത്തിയാണ് സിഡ്‌നിയുടെ കരുനീക്കം. എട്ട് വര്‍ഷത്തിന് ശേഷമാണ് പേസ് ബൗളര്‍ പീറ്റര്‍ ഓസീസിന്റെ ഏകദിന ജേഴ്സി അണിയുന്നത.് അലക്സ് കാരിയാണ് നായകന്‍ ആരോണ്‍ ഫിഞ്ചിനൊപ്പം ഇന്നിംഗ്‌സ് ഓപ്പണ്‍ ചെയ്യുക.
2010 നവംബര്‍ ഒന്‍പതാം തീയതി ശ്രീലങ്കയ്‌ക്കെതിരെ ആയിരുന്നു സിഡില്‍ അവസാനമായി ഏകദിനത്തില്‍ കളിച്ചത്. സ്റ്റാര്‍ക്ക്, കമ്മിന്‍സ്, ഹേസല്‍വുഡ് എന്നിവര്‍ക്കൊക്കെ ഓസ്ട്രേലിയ വിശ്രമം നല്‍കിയതാണ് സിഡിലിന് ടീമിലേക്ക് തിരിച്ചുവരാനുള്ള അവസരം ഒരുക്കിയത്. ആരോണ്‍ ഫിഞ്ച് (ക്യാപ്റ്റന്‍), അലക്സ് കാരി, ഉസ്മാന്‍ ഖവാജ, ഷോണ്‍ മാര്‍ഷ്, പീറ്റര്‍ ഹാന്‍ഡ്സ്‌കോംപ്, ഗ്ലെന്‍ മാക്സവെല്‍, മാര്‍കസ് സ്റ്റോയ്നിസ്, ജേ റിച്ചാര്‍ഡ്സണ്‍, ബെഹ്രന്‍ഡോര്‍ഫ്, പീറ്റര്‍ സിഡില്‍, നഥാന്‍ ലിയോണ്‍ എന്നിവരാണ് ഓസ്‌ട്രേലിയക്ക് വേണ്ടി കളിക്കുന്നത്.
Discussion about this post