പാൾ: മലയാളികളായ ക്രിക്കറ്റ് പ്രേമികൾക്ക് ക്രിസ്മസ് സമ്മാനവുമായി സഞ്ജു വി സാംസൺ. ദക്ഷിണാഫ്രിക്കയ്ക്ക് എതിരായ മൂന്നാം ഏകദിനത്തിൽ സഞ്ജു സാംസൺ സെഞ്ച്വറി നേടി. ഒരു മലയാളി താരം ആദ്യമായി നേടുന്ന സെഞ്ച്വറിയാണിത്.
ഓപ്പണർമാരുൾപ്പടെ പതറിയപ്പോൾ നങ്കൂരമിട്ട് നിന്ന സഞ്ജുവിന്റെ ഇന്നിംഗ്സിന്റെ ബലത്തിൽ ഇന്ത്യ എട്ടുവിക്കറ്റ് നഷ്ടത്തിൽ 296 റൺസ് നേടി. ടോസ് നഷ്ടപ്പെട്ട ഇന്ത്യയെ ദക്ഷിണാഫ്രിക്ക ബാറ്റിങ്ങിനയക്കുകയായിരുന്നു. വൺ ഡൗണായി ഇറങ്ങിയ സഞ്ജു സാംസൺ 114 പന്തിൽനിന്ന് 108 റൺസാണ് നേടിയത്.
ALSO READ- ബ്രിജ്ഭൂഷണിന്റെ വിശ്വസ്തൻ റെസ്ലിങ് ഫെഡറേഷൻ പ്രസിഡന്റ്; ഗുസ്തി അവസാനിപ്പിച്ചെന്ന് പ്രഖ്യാപിച്ച് സാക്ഷി മാലിക്; മടങ്ങിയത് ഷൂസ് ഊരി കണ്ണീരോടെ
ഇത് ഏകദിന ക്രിക്കറ്റിലെ സഞ്ജുവിന്റെയും ഒരു മലയാളി താരത്തിന്റേയും കന്നി സെഞ്ച്വറിയാണ്. മൂന്ന് സിക്സും ആറ് ഫോറും ഉൾപ്പെട്ട ഇന്നിങ്സായിരുന്നു ഇത്. പന്തുകളെ പക്വമായി നേരിട്ട് വലിച്ചടിക്കാതെ സഞ്ജു ക്രീസിൽ തുടരുകയായിരുന്നു. 77 പന്തിൽനിന്ന് 52 റൺസെടുത്ത് തിലക് വർമയുടെ പിന്തുണയോടെയായിരുന്നു സഞ്ജുവിന്റെ ഇന്നിംഗ്സ്.
Discussion about this post