ദോഹ: ഖത്തര്‍ ലോകകപ്പിലെ ഏറ്റവും നിര്‍ണായകമായ മത്സരത്തില്‍ വിജയം നേടി അര്‍ജന്റീന. പ്രീക്വാര്‍ട്ടറില്‍ സി ഗ്രൂപിലെ പോളണ്ടിനെതിരായ നിര്‍ണായക മത്സരത്തില്‍ അര്‍ജന്റീന ഏക പക്ഷീയമായ രണ്ട് ഗോളിനാണ് വിജയിച്ചത്.
ഒരു ഗോളിനു മുന്നില്‍. രണ്ടാം പകുതിയുടെ ആദ്യ മിനിറ്റില്‍ അലെക്‌സിസ് മാക് അല്ലിസ്റ്റര്‍ നേടിയ ഗോളാണ് അര്‍ജന്റീനയെ മുന്നിലെത്തിച്ചത്. 67ാം മിനിറ്റില്‍ ജൂലിയന്‍ അല്‍വാരസ് നേടിയ രണ്ടാം ഗോളോടെ അര്‍ജന്റീന ഏകപക്ഷീയമായ വിജയം നേടുകയായിരുന്നു.
നേരത്തെ സൂപ്പര്‍താരം ലയണല്‍ മെസ്സി പെനാല്‍റ്റി നഷ്ടപ്പെടുത്തിയിരുന്നു. ആദ്യ പകുതിയില്‍ പന്തടക്കത്തിലും മുന്നേറ്റത്തിലും അര്‍ജന്റീന മുന്നിട്ടുനിന്നെങ്കിലും പ്രതിരോധത്തിലൂന്നിയാണ് പോളണ്ട് കളിച്ചത്.
ആദ്യ മത്സരത്തില്‍ തുടക്കക്കാരായ സൗദിയോട് ഞെട്ടിക്കുന്ന തോല്‍വി ഏറ്റുവാങ്ങിയ മെസിയുടെ ടീം ഒടുവിലിപ്പോള്‍ ഗ്രൂപ്പ് സിയില്‍ നിന്നും ആറു പോയിന്റുമായി ഗ്രൂപ്പ് ചാമ്പ്യന്മാരായാണ് പ്രീക്വാര്‍ട്ടറിലേയ്ക്ക് കടന്നിരിക്കുന്നത്. ഓസ്‌ട്രേലിയയാണ് പ്രീക്വാര്‍ട്ടറില്‍ അര്‍ജന്റീനയുടെ എതിരാളി.