ഫുള്‍ ജാര്‍ സോഡ എന്ന് കേള്‍ക്കുമ്പോള്‍ തന്നെ ഒരു കൗതുകമാണ്. അതുപോലെ തന്നയാണ് അത് കുടികേണ്ട രീതിയും. കാണുമ്പോള്‍ തന്നെ ഒന്ന് രുചിച്ച് നോക്കാന്‍ തോന്നിപോകും. ഇപ്പോള്‍ ഫുള്‍ ജാര്‍ സോഡയാണ് സമൂഹ മാധ്യമങ്ങളില്‍ മിന്നുന്ന താരം.
ഇതിനോടകം തന്നെ നിരവധി പേരാണ് ഫുള്‍ ജാര്‍ സോഡ കുടിക്കുന്നത് ഷയര്‍ ചെയ്തിരിക്കുന്നത്. എന്നാല്‍ ഇതാ ഇപ്പേള്‍ മേള പ്രമാണിയായ കുട്ടാന്‍മാരാരും പങ്കാളിയായി. ഫുള്‍ജാര്‍ സോഡ ആസ്വദിച്ചു കുടിക്കുന്ന കുട്ടന്‍മാരാരുടെ വീഡിയോ ഇതിനോടകം തന്നെ വൈറലായിരിക്കുകയാണ്.
മേള പ്രേമികളെ പുളകം കൊള്ളിച്ച്, പൂരപ്പറമ്പുകളെ ആവേശഭരിതമാക്കി കൊട്ടിക്കയറുന്ന കുട്ടന്‍മാരാര്‍ക്ക് ഫുള്‍ജാര്‍ ആണോ കൊട്ടിക്കയറലാണോ ഏതാണ് എളുപ്പമെന്നു ചോദിച്ചപ്പോള്‍ മറുപടി ഒരു ചെറുചിരി ആയിരുന്നു.
