ഷാര്‍ജ: ഷാര്‍ജയില്‍ വാഹനാപകടത്തില്‍ സഹോദരങ്ങള്‍ മരിച്ചു. സംഭവം സമയം വാഹനത്തിലുണ്ടായിരുന്ന ബന്ധുവിന് ഗുരുതര പരിക്ക്. 21ഉം 24ഉം വയസുള്ള സഹോദരങ്ങളാണ് അപകടത്തില്‍ കൊല്ലപ്പെട്ടത്. മരിച്ചവരും പരിക്കേറ്റവരും സ്വദേശികളാണെന്നാണ് പ്രാഥമിക വിവരം.
അമിത വേഗത കാരണം നിയന്ത്രണം വിട്ട കാര്‍ ഡിവൈഡറിലേക്ക് ഇടിച്ചുകയറി, പലതവണ തലകീഴായി മറിയുകയായിരുന്നു. തലയ്ക്ക് സാരമായി പരിക്കേറ്റ സഹോദരങ്ങള്‍ തല്‍ക്ഷണം മരിക്കുകയായിരുന്നു. മൃതദേഹം അല്‍ ദാഇദ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.
പരിക്കോറ്റ ബന്ധുവിനെ അല്‍ ദാഇദ് ആശുപത്രിയില്‍ പ്രവേശിപ്പിച്ചു. ഇയാളുടെ ആരോഗ്യനില ഗുരുതരമല്ലെന്ന് ഡോക്ടര്‍മാര്‍ അറിയിച്ചു. അമിത വേഗത്തിലായിരുന്ന വാഹനത്തിന്റെ നിയന്ത്രണം നഷ്ടമായതാണ് അപകടത്തില്‍ കലാശിച്ചത്.
Discussion about this post