സിംഗപ്പൂര്‍: പ്രവാസികള്‍ എപ്പോഴും പ്രിയപ്പെട്ടവര്‍ക്ക് സര്‍പ്രൈസുകള്‍ നല്‍കി ഞെട്ടിക്കാറുണ്ട്. പ്രവാസിയായ അച്ഛനെയും ഭര്‍ത്താവിനെയും മക്കളെയും പ്രതീക്ഷിക്കാതെ മുന്നില്‍ കണ്ട് അമ്പരക്കുന്ന മക്കളുടെയും ഭാര്യയുടെയും അമ്മയുടെയും ഒക്കെ വീഡിയോകള്‍ സോഷ്യല്‍മീഡിയയില്‍ വൈറലാകാറുണ്ട്.
അത്തരത്തില്‍ പ്രവാസിയായ മകന് സര്‍പ്രൈസ് നല്‍കി ഞെട്ടിച്ചിരിക്കുകയാണ് ഒരു ഉമ്മ, അതിന്റെ വീഡിയോയാണ് ഇപ്പോള്‍ സൈബര്‍ ലോകത്ത് വൈറലായിരിക്കുന്നത്.
നാട്ടില്‍ നിന്നു സിംഗപ്പൂരിലെ മകന് ജോലി ചെയ്യുന്ന സൂപ്പര്‍മാര്‍ക്കറ്റില്‍ എത്തി ഉമ്മ സര്‍പ്രൈസ് കൊടുക്കുന്നതാണ് വീഡിയോ.
മകന് ജോലി ചെയ്യുന്ന കടയില്‍ പര്‍ദ്ദ ധരിച്ചാണ് ഉമ്മ എത്തിയത്. സാധനങ്ങള്‍ വാങ്ങിയശേഷം ഇന്ത്യന്‍ രൂപ മകന് നേരെ നീട്ടി. ഇതുകണ്ടതോടെ യുവാവിനു സംശയമായി. ഒരാള്‍ ഇതെല്ലാം വീഡിയോയില്‍ പകര്‍ത്തുന്നതും മകന്റെ ശ്രദ്ധയില്‍പ്പെട്ടു.
ഇതോടെ മുന്‍പില്‍ നില്‍ക്കുന്ന സ്ത്രീയുടെ ഹിജാബ് ഊരി മാറ്റി. അപ്പോഴാണ് ഉമ്മയാണെന്ന് മകന് മനസിലാക്കുന്നത്. പിന്നീട് കൗണ്ടറില്‍ നിന്നു പുറത്തുവന്ന് ഉമ്മയെ കെട്ടിപ്പിടിച്ചു. ഇതിനുശേഷം യുവാവ് നിറകണ്ണുകള്‍ തുടയ്ക്കുന്നതും ദൃശ്യങ്ങളില്‍ കാണാം.
Discussion about this post