റിയാദ്: സൗദി എയര്‍ലൈന്‍സ് യാത്രക്കാര്‍ക്ക് ഒരു സന്തോഷവാര്‍ത്ത. ഇനി മുതല്‍ യാത്രക്കാര്‍ക്ക് വിമാനത്തില്‍ അഞ്ച് മൊബൈല്‍ ആപ്പുകള്‍ സൗജന്യമായി ഉപയോഗിക്കാന്‍ സാധിക്കും. മൊബൈല്‍ ആപ്ലിക്കേഷനുകള്‍ സൗജന്യമായി ഉപയോഗിക്കുന്നതിനുള്ള പുതിയ സേവനം സൗദി എയര്‍ലൈന്‍സ് ആരംഭിച്ചു.
സൗദി എയര്‍ലൈന്‍സിന്റെ ആഭ്യന്തര, അന്താരാഷ്ട്ര സര്‍വീസുകളില്‍ പുതിയ സേവനം ലഭ്യമാണ്. നേരത്തെ വിമാനങ്ങളില്‍ വാട്‌സ്ആപ്പ്, ഐ മെസേജ്, ഫേസ്ബുക് മെസഞ്ചര്‍ എന്നീ മൊബൈല്‍ ആപ്ലിക്കേഷനുകള്‍ സൗജന്യമായി ഉപയോഗിക്കാന്‍ സാധിച്ചിരുന്നു. ഇതിന് പിന്നാലെയാണ് ഇന്‍സ്റ്റാഗ്രാം, വി ചാറ്റ് എന്നീ രണ്ട് മൊബൈല്‍ ആപ്ലിക്കേഷനുകള്‍ കൂടി സൗജന്യമായി ഉപയോഗിക്കുന്നതിനുള്ള സൗകര്യം സൗദി എയര്‍ലൈന്‍സ് യാത്രക്കാര്‍ക്കായി ഒരുക്കിയിരിക്കുന്നത്. വിമാനയാത്രയില്‍ അഞ്ച് മൊബൈല്‍ ആപ്ലിക്കേഷനുകള്‍ സൗജന്യമായി ഉപയോഗിക്കാന്‍ സാധിക്കുന്ന ലോകത്തെ ഏക വിമാന കമ്പനിയാണ് സൗദി എയര്‍ലൈന്‍സ്.
Discussion about this post