റാസല്‍ഖൈമ: യുഎഇയില്‍ വാഹനാപകടത്തില്‍ നാല് പേര്‍ മരിച്ചു. മരിച്ചവരില്‍ രണ്ട് കുട്ടികളുമുണ്ട്. അപകടത്തില്‍ പരുക്കേറ്റ മൂന്ന് പേരുടെ നില ഗുരുതരമാണ്. മരിച്ചവരില്‍ മൂന്ന് സ്വദേശികളും ഒരു വിദേശിയുമാണ് ഉള്ളത്. റാസല്‍ഖൈമയിലെ ഷെയ്ഖ് മുഹമ്മദ് ബിന്‍ സയ്യിദ് റോഡില്‍ കഴിഞ്ഞ ദിവസമാണ് അപകടം നടന്നത്. വാഹനത്തിന്റെ ടയര്‍ പൊട്ടിത്തെറിച്ചതാണ് അപകടത്തിന് കാരണമെന്നാണ് സൂചന.
അപകടത്തില്‍ മരിച്ചവരില്‍ രണ്ട് പേര്‍ക്ക് പത്ത് വയസും മറ്റ് രണ്ട് പേര്‍ക്ക് 18 വയസുമാണ് പ്രായം. പത്തിനും ഇരുപതിനും ഇടയില്‍ പ്രായമുള്ള ഏഴ് പേരാണ് വാഹനത്തില്‍ ഉണ്ടായിരുന്നത്. പരിക്കേറ്റ മൂന്ന് പേരെ ഖലീഫാ ഹോസ്പിറ്റലില്‍ പ്രവേശിപ്പിച്ചിരിക്കുകയാണ്. അപകടം സംഭവിക്കുമ്പോള്‍ വാഹനം അമിത വേഗതയില്‍ ആയിരുന്നുവെന്നാണ് റിപ്പോര്‍ട്ട്.