ദുബായ്: യുഎയില് ഇന്ന് ഉച്ചയ്ക്ക് ശേഷം കനത്ത മഴയ്ക്കും ഇടിമിന്നലിനും സാധ്യതയുള്ള സാഹചര്യത്തില് വാഹനം ഓടിക്കുന്നവര്ക്ക് മുന്നറിയിപ്പുമായി ദുബായ് പോലീസ്. റോഡിലെ ദൂരക്കാഴ്ച 1000 മീറ്ററില് താഴെയാകാന് സാധ്യതയുള്ളതിനാല് അപകടങ്ങള്ക്ക് സാധ്യതയുണ്ടെന്നും അതുകൊണ്ട് വാഹനം ഓടിക്കുന്നവര് പരമാവധി ശ്രദ്ധ പുലര്ത്തണമെന്നും പോലീസ് അറിയിച്ചു.
യുഎയിലെ വിവിധ പ്രദേശങ്ങളില് മഴയ്ക്ക് പുറമെ ശക്തമായ കാറ്റിന് സാധ്യതയുള്ളതായി കാലാവസ്ഥാ കേന്ദ്രം അറിയിച്ചിട്ടുണ്ട്. 8.4 ഡിഗ്രി സെല്ഷ്യസായിരുന്നു ഇന്നലത്തെ ഏറ്റവും കുറഞ്ഞ താപനില. കഴിഞ്ഞ ദിവസവും ഇന്ന് രാവിലെയും യുഎഇയില് പലയിടങ്ങളിലും ഭാഗികമായി മഴ പെയ്തിരുന്നു. അതേ സമയം ചില പ്രദേശങ്ങളില് പൊടിക്കാറ്റിന് സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം അറിയിച്ചിട്ടുണ്ട്.
Discussion about this post