ദുബായ്: യുഎഇ, ഖത്തര്‍, ഒമാന്‍ എന്നീ ഗള്‍ഫ് നാടുകളിലും പാലക്കാട്ടെ വിജയമാഘോഷിച്ച് യുഡിഎഫ് അനുകൂല പ്രവാസികള്‍. ഇന്‍കാസ്, കെഎംസിസി തുടങ്ങിയ സംഘടനകളുടെ നേതൃത്വത്തിലാണ് വിജയാഘോഷം നടത്തിയത്. പായസവും മധുരവും വിതരണം ചെയ്തു. വടങ്ങളില്‍ ഒന്നിച്ചിരുന്നു ജനവിധി അറിഞ്ഞ ശേഷമായിരുന്നു വിജയാഹ്ലാദവും മധുര വിതരണവും.
പാലക്കാട് റെക്കോഡ് ജയമാണ് രാഹുല്‍ പിടിച്ചെടുത്തത്. അന്തിമ ഫലം അനുസരിച്ച് നിലവില്‍ 18715 വോട്ടുകള്‍ക്കാണ് രാഹുല്‍ വിജയിച്ചത്. 2016 ല്‍ 17483 വോട്ടുകള്‍ക്ക് ജയിച്ചതായിരുന്നു പാലക്കാട്ടെ ഷാഫിയുടെ ഏറ്റവും വലിയ വിജയം. 2021 ലെ ഷാഫിയുടെ ഭൂരിപക്ഷത്തിന്റെ നാലിരട്ടിയോളം ഭൂരിപക്ഷത്തില്‍ രാഹുലിനെ വിജയിപ്പിക്കാനായത് യു ഡി എഫിനും വലിയ നേട്ടമായി.