അബുദാബി: എഎഫ്‌സി ഏഷ്യന്‍ കപ്പില്‍ യുഎഇയെ പിന്തുണയ്ക്കാന്‍ ആവശ്യപ്പെട്ട് ഇന്ത്യന്‍ ഫുട്‌ബോള്‍ ആരാധകരെ കോഴിക്കൂട്ടില്‍ പൂട്ടിയിട്ടു. സംഭവം വീഡിയോ പകര്‍ത്തി ചിത്രങ്ങളും പങ്കുവെച്ച യുഎഇ പൗരനെ അറസ്റ്റ് ചെയ്തു. ചിത്രങ്ങളും മറ്റും വ്യാപകമായതോടെയാണ് നടപടി.
സോഷ്യല്‍ മീഡിയ വഴി വിവേചനവും അക്രമവും പ്രചരിപ്പിച്ചു എന്ന കേസിലാണ് ഇളാള്‍ അറസ്റ്റിലായത്. ഇയാളെ യുഎഇ അറ്റോര്‍ണി ജനറലിന്റെ ഓഫീസില്‍ ചോദ്യം ചെയ്യാനായി മാറ്റിയിരിക്കുകയാണ്. കിളിക്കൂട്ടില്‍ പൂട്ടിയിട്ട ചില തൊഴിലാളികളോട് ഏതു ടീമിനെയാണ് നിങ്ങള്‍ പിന്തുണയ്ക്കുന്നത്, ഇന്ത്യയെയോ യുഎഇയെയോ? എന്ന് ഒരാള്‍ ചോദിക്കുന്നതാണ് വീഡിയോയിലുള്ളത്.
ഇന്ത്യയെന്നു പറയുമ്പോള്‍ ഇയാള്‍ യുവാക്കളെ ആക്രമിക്കുകയാണ് ചെയ്തത്. യുഎഇ എന്ന് പറയിപ്പിച്ച ശേഷമാണ് കൂട്ടില്‍ നിന്ന് ഇറക്കിയത്. വീഡിയോ തങ്ങള്‍ നടത്തിയ ഒരു തമാശയുടെ ഭാഗമാണെന്ന് അവകാശപ്പെട്ട് ഇയാള്‍ മറ്റൊരു വീഡിയോ പുറത്തുവിട്ടിട്ടുണ്ട്. ‘ഈ യുവാക്കള്‍ എന്റെ തൊഴിലാളികളാണ്. ഇതിലൊരുവന് 22 വയസേയുള്ളൂ. ഇവര്‍ക്കൊപ്പം ഈ ഫാമിലാണ് ഞാന്‍ കഴിയുന്നത്. ഒരേ പാത്രത്തില്‍ നിന്നാണ് ഞങ്ങള്‍ ഭക്ഷണം കഴിക്കുന്നത്. ഞാനവരെ അടിച്ചിട്ടില്ല. യഥാര്‍ത്ഥത്തില്‍ ഞാനവരെ പൂട്ടിയിട്ടിട്ടുമില്ല.’ എന്നാണ് അദ്ദേഹം വീഡിയോയില്‍ പറയുന്നത്.
🔻دولـة الامارات العربية المتحدة
النائب العام للدولة: تم اتخاذ الإجراءات القانونية ضد صاحب فيديو حبس أشخاص من الجنسية الآسيوية داخل قفص طيور ليدفعهم لتشجيع المنتخب الإماراتي وعرضه على النيابة المختصة باعتبار أن هذا المسلك جريمة معاقب عليها قانونا ولايعبر عن قيم التسامح فالإمارات pic.twitter.com/twUlfbsXaQ— فاطمة الحبسي (@AlhabsiFatma) January 11, 2019
Discussion about this post