അരൂര്‍: പ്രവാസി മലയാളി യുവതി ദുബായിയില്‍ വാഹനാപകടത്തില്‍ മരിച്ചു. ആലപ്പുഴ ജില്ലയിലെ എഴുപുന്ന തെക്ക് പുത്തന്‍പുരയ്ക്കല്‍ സാലസിന്റെ ഭാര്യ ജ്യോതി ആണ് മരിച്ചത്.
അമ്പത്തിരണ്ട് വയസ്സായിരുന്നു. ദുബായില്‍ വെച്ചുണ്ടായ കാറപകടത്തിലാണ് ജ്യോതി മരിച്ചത്. ദുബായില്‍ ബാങ്ക് ഉദ്യോഗസ്ഥയായിരുന്നു ജ്യോതി.
also read: സംഘം ചേര്‍ന്ന് സ്‌കൂള്‍ പരിസരത്ത് മദ്യപാനം, ചോദ്യം ചെയ്ത 28കാരനെ കുത്തിക്കൊന്നു, നടുക്കം
ഗുരുതരമായി പരിക്കേറ്റ് ആശുപത്രിയിലെത്തിച്ചതിന് പിന്നാലെയാണ് മരിച്ചത്. തലയോലപ്പറമ്പ് കണ്ടത്തില്‍ കുടുംബാംഗമാണ്. ഭര്‍ത്താവ് സാലസ് അവിടെ സ്വകാര്യ കമ്പനി ഉദ്യോഗസ്ഥന്‍.
മൃതദേഹം നാട്ടിലെത്തിക്കാനുള്ള ക്രമീകരണങ്ങള്‍ പുരോഗമിക്കുകയാണ്. സംസ്‌കാരം പിന്നീട്. മക്കള്‍: സെന്‍, ഫിയ.