ജോർദാൻ രാജകുമാരൻ വിവാഹിതനാകുന്നു; വധു സൗദി സ്വദേശിനി രജ്വ അൽ സെയ്ഫ്

ജോർദാന് രാജ്യത്തിന് തന്നെ ആഘോഷമായി രാജകുടുംബത്തിൽ വിവാഹമേളം.ജോർദാൻ രാജകുമാരൻ ഹുസൈൻ ബിൻ അബ്ദുല്ല വിവാഹിതനാകുന്നു. സൗദി പൗരയായ രജ്വ അൽ സെയ്ഫ് ആണ് വധു. ജോർദാൻ രാജ്ഞി റാനിയ അൽ അബ്ദുല്ലയാണ് ഇക്കാര്യം ട്വിറ്ററിലൂടെ അറിയിച്ചത്.

സൗദി അറേബ്യയിലെ റിയാദിൽ വെച്ച് രജ്വ അൽ സെയ്ഫിന്റെ വസതിയിലായിരുന്നു ചടങ്ങുകൾ നടന്നത്. ‘ഇത്രയധികം സന്തോഷം ഉള്ളിലൊതുക്കാൻ സാധിക്കുമെന്ന് വിചാരിച്ചില്ല. എന്റെ മൂത്ത പുത്രൻ ഹുസൈൻ രാജകുമാരനും സുന്ദരിയായ വധു രജ്വക്കും ആശംസകൾ’- രാജ്ഞിയുടെ ട്വീറ്റ് ചെയ്തത് ഇങ്ങനെ.

28 കാരനായ ഹുസൈൻ രാജകുമാരൻ ബ്രിട്ടീഷ് മിലിട്ടറി അക്കാദമിയിൽ നിന്ന് ബിരുദം നേടിയ വ്യക്തിയാണ്. നിലവിൽ ജോർദാനിയൻ സൈന്യത്തിൽ ക്യാപ്റ്റൻ പദവിയാണ് ഇദ്ദേഹം വഹിക്കുന്നത്.

ALSO READ- രണ്ടാഴ്ച മാത്രം പരിചയമുള്ള 22കാരനെ വധിച്ചത് ലഹരി തർക്കത്തെ തുടർന്ന്? ശരീരത്തിൽ 25ലേറെ മുറിവുകൾ; ഫ്‌ളാറ്റിൽ മുൻപും തർക്കം; അർഷാദിനെ പരിചയപ്പെടുത്തിയത് ആദിഷ്

കഴിഞ്ഞ മാസമാണ് ജോർദാൻ രാജകുമാരി ഇമാന്റെ വിവാഹ നിശ്ചയവും നടന്നത്. ജമീൻ അലക്സാണ്ടർ തെർമിയോറ്റിസാണ് വരൻ.