യുഎഇയുടെ പ്രിയ ഭരണാധികാരി ശൈഖ് മുഹമ്മദ് ബിന്‍ റാഷിദ് അല്‍ മക്തൂമിന് 72-ാം ജന്മദിനം; ആശംസകളുമായി സോഷ്യല്‍മീഡിയയും

ദുബായ്: യുഎഇയുടെ പ്രിയപ്പെട്ട ഭരണാധികാരിയും യുഎഇ വൈസ് പ്രസിഡന്റും പ്രധാനമന്ത്രിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂമിന് ഇന്ന് 72-ാം ജന്മദിനം. ഇതോടെ സോഷ്യല്‍മീഡിയ ആശംസകളുമായി രംഗത്തെത്തി.

ശൈഖ് മുഹമ്മദിന്റെ പഴയ ചിത്രങ്ങളും വീഡിയോകളും ഉള്‍പ്പെടെ പങ്കുവെച്ച് പലരും ആശംസകള്‍ അറിയിച്ചു. 1949 ജൂലൈ 15ന് അല്‍ മക്തൂം കുടുംബത്തിന്റെ ഷിന്ദഗയിലെ വീട്ടിലാണ് ശൈഖ് മുഹമ്മദ് ജനിച്ചത്. 2006ല്‍ ദുബായ് ഭരണാധികാരിയായി സ്ഥാനമേറ്റെടുത്തു.

ദുബായിയുടെ വികസനത്തിനും മുന്നേറ്റത്തിനുമായി നിരവധി സുപ്രധാന തീരുമാനങ്ങള്‍ നടപ്പിലാക്കി, എമിറേറ്റിനെ ഉയര്‍ച്ചയിലേക്ക് നയിച്ച ഭരണാധികാരിയായി അദ്ദേഹം ജനഹൃദയങ്ങളില്‍ സ്ഥാനം ഉറപ്പിക്കുകയായിരുന്നു.