ജിദ്ദ: സൗദി അറേബ്യയില്‍ തിങ്കളാഴ്ച 351 പേര്‍ക്ക് പുതുതായി കൊവിഡ് സ്ഥിരീകരിച്ചുവെന്ന് ആരോഗ്യമന്ത്രാലയം അറിയിച്ചു. 418 പേരാണ് രോഗമുക്തി നേടിയത്. രാജ്യത്ത് വിവിധ ഭാഗങ്ങളില്‍ ചികിത്സയില്‍ കഴിയുന്നവരില്‍ ആറുപേര്‍ കൂടി മരിച്ചു.
ഇന്ന് 351 പേര്‍ക്ക് പുതുതായി കൊവിഡ് സ്ഥിരീകരിച്ചതോടെ ഇതുവരെ രോഗം സ്ഥിരീകരിച്ചവരുടെ ആകെ എണ്ണം 3,80,182 ആയി. ഇതില്‍ 3,71,032 പേര്‍ രോഗമുക്തി നേടി. രാജ്യത്തെ കോവിഡ് മുക്തി നിരക്ക് 97.6 ശതമാനമാണ്.
ആകെ മരണം 6534 ആയി. മരണനിരക്ക് 1.8 ശതമാനമാണ്. രാജ്യത്തെ വിവിധ ആശുപത്രികളിലും മറ്റുമായി 2616 പേര്‍ മാത്രമാണ് ചികിത്സയിലുള്ളത്. ഇവരില്‍ 519 പേരുടെ നില ഗുരുതരമാണ്. ചികിത്സയില്‍ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്.
റിയാദ് 168, കിഴക്കന്‍ പ്രവിശ്യ 62, മക്ക 53, അല്‍ ഖസീം 17, മദീന 12, ഹാഇല്‍ 10, അസീര്‍ 7, ജീസാന്‍ 5, വടക്കന്‍ അതിര്‍ത്തി മേഖല 4, അല്‍ജൗഫ് 4, തബൂക്ക് 4, അല്‍ബാഹ 3, നജ്‌റാന്‍ 2 എന്നിങ്ങനെയാണ് കഴിഞ്ഞ 24 മണിക്കൂറിനിടെ വിവിധ മേഖലകളില്‍ റിപ്പോര്‍ട്ട് ചെയ്ത പുതിയ കൊവിഡ് കേസുകളുടെ എണ്ണം.