റിയാദ്: റിയാദ് നഗരത്തിലെ അല്‍മനാകിലെ വെയര്‍ ഹൗസിന് തീപിടിച്ചു. നിരവധി ഗോഡൗണുള്ള മേഖല കൂടി ആയതിനാല്‍ മറ്റ് വെയര്‍ ഹൗസുകളിലേയ്ക്ക് തീപടര്‍ന്നേയ്ക്കുമെന്നുള്ള ആശങ്ക നിലനിന്നിരുന്നു. എന്നാല്‍ അതിവേഗം തീ നിയന്ത്രണവിധേയമാക്കുകയും മറ്റ് ഹൗസുകളിലേയ്ക്ക് തീപടരാതിരിക്കാനും സിവില്‍ ഡിഫന്‍സിനും അഗ്നിശമന സേനയ്ക്കും സാധിച്ചു.
അതേസമയം, ആളപായം റിപ്പോര്‍ട്ട് ചെയ്യപ്പെട്ടിട്ടില്ല. പ്രദേശത്തെ അന്തരീക്ഷത്തില്‍ വന്‍പുകപടലം ഉയര്‍ന്നു. തീപിടിത്തത്തിന്റെ കാരണം എന്താണെന്ന് കണ്ടെത്താനുള്ള അന്വേഷണം ആരംഭിച്ചതായി സിവില്‍ ഡിഫന്‍സ് വൃത്തങ്ങള്‍ അറിയിച്ചു.
Discussion about this post