അബുദാബി: കൊവിഡ് 19 വൈറസ് ബാധമൂലം യുഎഇയില്‍ ഏഴ് പേര്‍ കൂടി മരിച്ചു. ഇതോടെ യുഎഇയില്‍ 105 പേരാണ് വൈറസ് ബാധമൂലം മരിച്ചത്. കഴിഞ്ഞ ദിവസം പുതുതായി 552 പേര്‍ക്കാണ് വൈറസ് ബാധ സ്ഥിരീകരിച്ചത്. ഇതോടെ വൈറസ് ബാധിതരുടെ എണ്ണം 12,481 ആയി ഉയര്‍ന്നു. ആരോഗ്യ പ്രതിരോധ മന്ത്രാലയമാണ് ഈ കാര്യം അറിയിച്ചത്.
അതേസമയം യുഎഇയില്‍ നൂറ് പേര്‍ക്ക് കൊവിഡ് ഭേദമായെന്നും അധികൃതര്‍ അറിയിച്ചു. ഇതോടെ അസുഖം ഭേദമായവരുടെ എണ്ണം 2429 ആയി ഉയര്‍ന്നു. കഴിഞ്ഞ ദിവസം 27,000ത്തോളം പേരെയാണ് കൊവിഡ് പരിശോധനയ്ക്ക് വിധേയമാക്കിയത്.
യുഎഇയില്‍ കൊവിഡ് പ്രതിരോധത്തിന്റെ ഭാഗമായി ഏര്‍പ്പെടുത്തിയിരുന്ന നിയന്ത്രണങ്ങളില്‍ ഇളവുകള്‍ പ്രഖ്യാപിച്ചിരിക്കുകയാണ്. ദുബായ് മെട്രോ സര്‍വീസ് പുനഃരാരംഭിച്ചു. റസ്റ്റോറന്റുകളിലും കടകളും നിയന്ത്രണങ്ങള്‍ പാലിച്ചുകൊണ്ട് തുറന്ന് പ്രവര്‍ത്തിക്കുന്നുണ്ട്.
Discussion about this post