അബുദാബി: കൊവിഡ് 19 വൈറസ് ബാധയെ തുടര്‍ന്ന് യുഎഇയില്‍ രണ്ട് പേര്‍ കൂടി മരിച്ചു. ഇതോടെ രാജ്യത്ത് കൊറോണ മൂലം മരിച്ചവരുടെ എണ്ണം അഞ്ചായി ഉയര്‍ന്നതായി യുഎഇ ആരോഗ്യ മന്ത്രാലയം അറിയിച്ചു.
തിങ്കളാഴ്ച പുതുതായി 41 കൊവിഡ് കേസുകളാണ് യുഎഇയില്‍ റിപ്പോര്‍ട്ട് ചെയ്തത്. ഇതോടെ ആകെ രോഗം സ്ഥിരീകരിച്ചവരുടെ എണ്ണം 611 ആയി ഉയര്‍ന്നു. അതെസമയം രണ്ട് ഇന്ത്യക്കാര്‍ ഉള്‍പ്പെടെ മൂന്നുപേര്‍ക്ക് രോഗം ഭേദമായി. എന്നാല്‍ രണ്ട് പേരുടെ നില ഗുരുതരമാണെന്നാണ് റിപ്പോര്‍ട്ട്.
രാജ്യത്ത് ഇതിനകം 220000 പേരെയാണ് കൊവിഡ് രോഗ പരിശോധനക്ക് വിധേയരാക്കിയത്.
Discussion about this post