ദുബൈ: യുഎഇയില്‍ ഇന്നും നാളെയും രാത്രി എട്ട് മണിക്ക് ശേഷം അവശ്യകാര്യങ്ങള്‍ക്ക് പുറത്തിറങ്ങാനും പ്രത്യേക അനുമതി വേണം. www.move.gov.ae എന്ന വെബ്‌സൈറ്റില്‍ രജിസ്റ്റര്‍ ചെയ്തു വേണം അനുമതി തേടാന്‍. ദേശീയ അണുനശീകരണ പ്രവര്‍ത്തനം തുടരുന്നതിനാലാണ് പ്രത്യേക അനുമതി ആവശ്യപ്പെടുന്നത്.
www.move.gov.ae എന്ന വെബ്‌സൈറ്റില്‍ മൊബൈല്‍ നമ്പര്‍ നല്‍കിയാല്‍ രജിസ്‌ട്രേഷന്‍ പ്രക്രിയ ആരംഭിക്കും. പിന്നീട് എമിറേറ്റ്‌സ് ഐ.ഡിയും വാഹനത്തിന്റെ നമ്പറും പുറത്തിറങ്ങാനുള്ള കാരണവും രേഖപ്പെടുത്തണം. ഇവ അംഗീകരിച്ച് എസ്എംഎസ് ലഭിച്ചാല്‍ മാത്രമേ പുറത്തിറങ്ങാവൂ.
അതെസമയം അവശ്യസര്‍വീസ് തൊഴില്‍ മേഖലകളിലുള്ളവര്‍ക്ക് ഈ രജിസ്‌ട്രേഷന്‍ ആവശ്യമില്ല. എന്നാല്‍ ഇവര്‍ എമിറേറ്റ്‌സ് ഐഡിയും തൊഴില്‍ തിരിച്ചറിയല്‍ രേഖയും എപ്പോഴും ഒപ്പം കരുതുകയും പരിശോധനാ ഉദ്യോഗസ്ഥര്‍ ആവശ്യപ്പെട്ടാല്‍ കാണിക്കുകയും വേണം.
Discussion about this post