റിയാദ്: കൊവിഡ് 19 വൈറസ് പടരുന്ന പശ്ചാത്തലത്തില്‍ ഇന്ത്യ അടക്കമുള്ള രാജ്യങ്ങളിലേക്കുള്ള വിമാന സര്‍വീസുകള്‍ നിര്‍ത്തലാക്കി സൗദി അറേബ്യ. ഇന്ത്യക്ക് പുറമെ യൂറോപ്യന്‍ യൂണിയന്‍, സ്വിറ്റ്‌സര്‍ലന്റ്, പാകിസ്താന്‍, ശ്രീലങ്ക, സുഡാന്‍, ഇത്യോപിയ, എറിത്രിയ, കെനിയ, ജിബൂട്ടി, സൊമാലിയ എന്നീ രാജ്യങ്ങളിലേക്കുള്ള സര്‍വീസുകള്‍ക്കാണ് സൗദി താല്‍ക്കാലികമായി വിലക്ക് ഏര്‍പ്പെടുത്തിയിരിക്കുന്നത്.
ഇനിയൊരു അറിയിപ്പ് ഉണ്ടാവുന്നതുവരെ ഇവിടെ നിന്നുള്ള യാത്രക്കാരെ രാജ്യത്തിനകത്ത് കയറ്റില്ല എന്നാണ് അധികൃതര്‍ വ്യക്തമാക്കിയത്. മലയാളികള്‍ അടക്കമുള്ള ഇന്ത്യക്കാരെ ഈ വിലക്ക് സാരമായി ബാധിക്കും.
അതേസമയം ഇന്ത്യയില്‍ നിന്നുള്ള ആരോഗ്യ രംഗത്ത് പ്രവര്‍ത്തിക്കുന്നവര്‍ക്ക് ഈ വിലക്ക് ബാധകമല്ല. ഇതുവരെ 45 കൊവിഡ് 19 കേസുകളാണ് സൗദിയില്‍ റിപ്പോട്ട് ചെയ്തിട്ടുള്ളത്.
Discussion about this post