ദുബായ്: യുഎഇയിലേക്ക് ഇപ്പോള്‍ വിനോദ സഞ്ചാരികളുടെ ഒഴുക്കാണ്. ലോകത്തിന്റെ വിവിധ ഭാഗങ്ങളില്‍ നിന്നാണ് യുഎഇയിലേക്ക് വിനോദ സഞ്ചാരികള്‍ എത്തുന്നത്. ദുബായ് ഷോപ്പിങ് ഫെസ്റ്റിവല്‍ കൂടി നടക്കുന്ന സാഹചര്യത്തില്‍ വിനോദ സഞ്ചാരികളുടെ എണ്ണത്തില്‍ വരും ദിവസങ്ങളില്‍ വലിയ വര്‍ധനവ് ഉണ്ടാകും.
ഈ സാഹചര്യത്തില്‍ യുഎഇയിലേക്ക് വിമാനം കയറുമ്പോള്‍ ലഗേജില്‍ കൊണ്ടുപോകാന്‍ പാടില്ലാത്ത സാധനങ്ങള്‍ എന്തൊക്കെയാണെന്ന് നോക്കാം.
1. മയക്കുമരുന്നുകള്‍. ഹാഷിഷ്, കൊക്കെയ്ന്‍, ഹെറോയിന്‍, ഉറക്കഗുളികള്‍ തുടങ്ങിയവ കൊണ്ടു പോകാന്‍ പാടില്ല. ഇത്തരം സാധനങ്ങള്‍ക്ക് രാജ്യത്ത് വിലക്കുണ്ട്.
2. ഇസ്രയേലില്‍ നിര്‍മിക്കപ്പെട്ടിട്ടുള്ളതും ഇസ്രയേലിന്റെ ട്രേഡ്മാര്‍ക്ക്, ലോഗോ എന്നിവ ഉള്ള സാധനങ്ങളും യുഎഇയില്‍ അനുവദനീയമല്ല.
3. ആനക്കൊമ്പ്, കാണ്ടാമൃഗത്തിന്റെ കൊമ്പ് എന്നിവയും യുഎഇയില്‍ കൊണ്ടു പോകാന്‍ പാടില്ല.
4. ചൂതാട്ടത്തിന് ഉപയോഗിക്കുന്ന സാധനങ്ങളും മെഷിനറികളും.
5. മൂന്ന് അടുക്കുകളുള്ള മത്സബന്ധന വലകള്‍ക്കും രാജ്യത്തിന് വിലക്കുണ്ട്.
6. കൊത്തുപണികള്‍, മുദ്രണങ്ങള്‍ കല്ലില്‍ തീര്‍ത്ത വസ്തുക്കള്‍, ശില്‍പങ്ങള്‍, പ്രതിമകള്‍
7. ഉപയോഗിച്ചതോ റീകണ്ടീഷന്‍ ചെയ്തതോ ആയ ടയറുകള്‍ 9. റേഡിയേഷന്‍ മലനീകരണമുണ്ടാക്കുന്ന വസ്തുക്കള്‍.
8. ഇസ്ലാമിക അധ്യാപനങ്ങള്‍ക്കോ മര്യാദകള്‍ക്കോ വിരുദ്ധമായതും അല്ലെങ്കില്‍ സദാചാര വിരുദ്ധമോ ആശയക്കുഴപ്പങ്ങള്‍ സൃഷിക്കുന്നതോ ആയ പുസ്തകങ്ങള്‍, അച്ചടിച്ച സാമഗ്രികള്‍, ഓയില്‍ പെയിന്റിങുകള്‍, ഫോട്ടോകള്‍, ചിത്രങ്ങള്‍, കാര്‍ഡുകള്‍, ബുക്കുകള്‍, മാഗസിനുകള്‍ തുടങ്ങിയവയ്ക്കും നിരോധനം ഏര്‍പ്പെടുത്തിയിട്ടുണ്ട്.
9. കള്ളനോട്ടുകള്‍, വ്യാജ കറന്‍സികള്‍
10. പാചകം ചെയ്തതും വീട്ടിലുണ്ടാക്കിയതുമായ ഭക്ഷണം.
Discussion about this post