മസ്‌കത്ത്: ദേശീയ ദിനത്തോടനുബന്ധിച്ച് 332 തടവുകാരെ മോചിപ്പിക്കാന്‍ ഉത്തരവിട്ട് ഒമാന്‍ ഭരണാധികാരി സുല്‍ത്താന്‍ ഖാബൂസ് ബിന്‍ സൈദ്. ഒമാന്റെ 49ാം ദേശീയ ദിനത്തോട് അനുബന്ധിച്ചാണ് പ്രഖ്യാപനം.
വിവിധ കേസുകളില്‍ ശിക്ഷിക്കപ്പെട്ടിട്ടുള്ള 332 പേര്‍ക്കാണ് മോചനത്തിന് അവസരമൊരുങ്ങുന്നത്. മോചിപ്പിക്കുന്നതില്‍ 142 പേര്‍ പ്രവാസികളാണെന്ന് റോയല്‍ ഒമാന്‍ പോലീസ് വ്യക്തമാക്കി.
നേരത്തെ ദേശീയ ദിനം പ്രമാണിച്ച് ഒമാനില്‍ അവധി പ്രഖ്യാപിച്ചിരുന്നു. പൊതു സ്ഥാപനങ്ങള്‍ക്കും സ്വകാര്യസ്ഥാപനങ്ങള്‍ക്കും അടക്കമാണ് അവധി പ്രഖ്യാപിച്ചത്. നവംബര്‍ 27നും നവംബര്‍ 28നുമാണ് അവധി പ്രഖ്യാപിച്ചത്. നവംബര്‍ 30വരെയാണ് ദേശീയ ദിനാഘോഷങ്ങള്‍ നടക്കുക.
Discussion about this post