ദുബായ്: ഷോപ്പിങ് മാളില്‍ നിന്ന് കണ്ടെത്തിയ അഞ്ചുവയസ്സുകാരന്റെ മാതാപിതാക്കളെ കണ്ടെത്താന്‍ പൊതുജനത്തിന്റെ സഹായം തേടി യുഎഇ പോലീസ്. ദുബായിലെ റീഫ് മാളിലാണ് കുഞ്ഞിനെ ഒറ്റപ്പെട്ട നിലയില്‍ കണ്ടെത്തിയത്.
ഒരു സ്ത്രീയാണ് കുഞ്ഞിനെ അല്‍ മുറാഖാബാത് പോലീസ് സ്റ്റേഷനില്‍ എത്തിച്ചത്. കുട്ടിക്ക് ആരോഗ്യപ്രശ്‌നങ്ങളൊന്നുമില്ലെന്നും രക്ഷിതാക്കള്‍ പോലീസുമായി ബന്ധപ്പെടാന്‍ തങ്ങള്‍ കാത്തിരിക്കുകയാണെന്നും പോലീസ് സ്റ്റേഷന്‍ ഡയറക്ടര്‍ ബ്രിഗേഡിയര്‍ അലി അഹ്മദ് അബ്ദുല്ല പറഞ്ഞു.
കുട്ടിയെയോ കുടുംബത്തെയോ പരിചയമുള്ളവര്‍ പോലീസുമായി ബന്ധപ്പെട്ട് വിവരം നല്‍കണമെന്നും പോലീസ് അഭ്യര്‍ത്ഥിച്ചിട്ടുണ്ട്. 901 എന്ന നമ്പറിലോ 055526604 ലോ വിളിക്കുകയോ അല്‍ മുറാഖാബാത് പോലീസ് സ്റ്റേഷനില്‍ നേരിട്ട് ബന്ധപ്പെടുകയോ ചെയ്യണമെന്നും പോലീസ് അറിയിച്ചു.
#
Discussion about this post