തൃത്താല: ശബരിമല വിഷയത്തില് കോണ്ഗ്രസ് നേതാക്കളുടെ നിലപാടിനെ പരോക്ഷമായി വിമര്ശിച്ച് വിടി ബല്റാം എംഎല്എ. പ്രകോപനങ്ങളും പിടിവാശികളും കൊണ്ട് മതേതര കേരളത്തെ വര്ഗീയമായി നെടുകെപ്പിളര്ക്കാനുള്ള ഒരവസരമാക്കി ഈ വിഷയത്തെ മാറ്റിയ സംഘപരിവാറിനേയും സര്ക്കാരിനേയും തുറന്നു കാട്ടേണ്ടതുണ്ടെന്ന് ബല്റാം ഫേസ്ബുക്ക് പോസ്റ്റില് പറയുന്നു.
ശബരിമലയില് എല്ലാ പ്രായത്തിലുമുള്ള സ്ത്രീകളെയും പ്രവേശിപ്പിക്കണമെന്നുള്ള സുപ്രീം കോടതി വിധി നേരത്തെ ബല്റാം സ്വാഗതം ചെയ്തിരുന്നു. വിധി പുരോഗമനപരവും നീതി സങ്കല്പ്പങ്ങളെ കൂടുതല് ശക്തിപ്പെടുന്നതുമാണ് എന്ന കാഴ്ചപ്പാടിലാണ് സ്വാഗതം ചെയ്യുന്നതെന്നാണ് അന്ന് ബല്റാം പ്രതികരിച്ചത്. എന്നാല്, കേരളത്തിലെ കോണ്ഗ്രസ് നേതൃത്വം സുപ്രീം കോടതി വിധിക്കെതിരെ രംഗത്ത് വന്നു.
ഈ സാഹര്യങ്ങളിലാണ് വിടി ബല്റാം നിലപാടില് ചെറിയ അയവ് വരുത്തിയിരിക്കുന്നത്. സുപ്രീം കോടതി വിധിയെ സ്വാഗതം ചെയ്യുന്ന എന്റെ വ്യക്തിപരമായ കാഴ്ചപ്പാട് അതേപടി നിലനിര്ത്തുന്നതോടൊപ്പം സമൂഹത്തിലെ വലിയൊരു വിഭാഗം വരുന്ന അയ്യപ്പഭക്തരുടെ വികാരങ്ങളെക്കൂടി ഉള്ക്കൊണ്ട് നിലപാടെടുക്കാനുള്ള കോണ്ഗ്രസിന്റെ ജനാധിപത്യ ഉത്തരവാദിത്തത്തെയും മനസിലാക്കുന്നുവെന്ന് തൃത്താല എംഎല്എ കുറിച്ചു.
പഴയ നാട്ടുരാജാക്കന്മാരുടെ സകല കവനന്റുകളും ചവറ്റുകുട്ടയിലെറിഞ്ഞ് പ്രിവി പേഴ്സ് നിര്ത്തലാക്കിയ ഇന്ദിരാ ഗാന്ധിയുടെ പാര്ട്ടിയാണ് ഇന്ത്യന് നാഷണല് കോണ്ഗ്രസ് എന്നും പാര്ട്ടിയെ പ്രതിനിധീകരിച്ച് ചാനല് ചര്ച്ചകളില് പങ്കെടുക്കുന്ന ചിലര്ക്ക് പ്രാഥമിക ധാരണകളെങ്കിലും ഉണ്ടെന്ന് ഉറപ്പുവരുത്തേണ്ടത് അനിവാര്യമാണെന്നും അദ്ദേഹം കുറിച്ചു. രാഹുല് ഗാന്ധിയാണ്, രാഹുല് ഈശ്വറല്ല കോണ്ഗ്രസ് നേതാവെന്ന് ഓര്ക്കണമെന്ന് വ്യക്തമാക്കിയാണ് ബല്റാമിന്റെ കുറിപ്പ് അവസാനിക്കുന്നത്.
വിടി ബല്റാം എംഎല്എയുടെ ഫേസ്ബുക്ക് പോസ്റ്റ്:
ശബരിമല വിഷയത്തില് സുപ്രീം കോടതി വിധിയെ സ്വാഗതം ചെയ്യുന്ന എന്റെ വ്യക്തിപരമായ കാഴ്ചപ്പാട് അതേപടി നിലനിര്ത്തുന്നതോടൊപ്പം സമൂഹത്തിലെ വലിയൊരു വിഭാഗം വരുന്ന അയ്യപ്പഭക്തരുടെ വികാരങ്ങളെക്കൂടി ഉള്ക്കൊണ്ട് നിലപാടെടുക്കാനുള്ള കോണ്ഗ്രസിന്റെ ജനാധിപത്യ ഉത്തരവാദിത്തത്തെയും മനസ്സിലാക്കുന്നു. പ്രകോപനങ്ങളും പിടിവാശികളും കൊണ്ട് മതേതര കേരളത്തെ വര്ഗീയമായി നെടുകെപ്പിളര്ക്കാനുള്ള ഒരവസരമാക്കി ഈ വിഷയത്തെ മാറ്റിയ സംഘ് പരിവാറിനേയും സര്ക്കാരിനേയും തുറന്നു കാട്ടേണ്ടതുമുണ്ട്. എന്നാല് അതിനപ്പുറം ബ്രാഹ്മണ്യത്തിന്റെയും രാജഭക്തിയുടേയും പുരോഗമനവിരുദ്ധ ആശയങ്ങളുടേയും വക്താക്കളാകേണ്ട ഒരു ചുമതലയും കോണ്ഗ്രസിനില്ല. പഴയ നാട്ടുരാജാക്കന്മാരുടെ സകല കവനന്റുകളും ചവറ്റുകുട്ടയിലെറിഞ്ഞ് പ്രിവി പേഴ്സ് നിര്ത്തലാക്കിയ ഇന്ദിരാഗാന്ധിയുടെ പാര്ട്ടിയാണ് ഇന്ത്യന് നാഷണല് കോണ്ഗ്രസ്. പാര്ട്ടിയെ പ്രതിനിധീകരിച്ച് ചാനല് ചര്ച്ചകളില് പങ്കെടുക്കുന്ന ചിലര്ക്ക് പാര്ട്ടിയുടെ ആശയപരമായ ലെഗസിയേക്കുറിച്ച് പ്രാഥമിക ധാരണകളെങ്കിലും ഉണ്ടെന്ന് ഉറപ്പുവരുത്തേണ്ടത് അനിവാര്യമാണ്. ഇക്കാര്യം കെപിസിസി പ്രസിഡന്റിനെ നേരിട്ട് തന്നെ അറിയിച്ചിട്ടുണ്ട്.
ഓര്ക്കുക; രാഹുല് ഗാന്ധിയാണ്, രാഹുല് ഈശ്വറല്ല കോണ്ഗ്രസിന്റെ നേതാവ്.
Discussion about this post