തിരുവനന്തപുരം: ശബരിമല സമരം അവസാനിപ്പിച്ചതിനു പിന്നാലെ സ്വയം വാഴ്ത്തി വീണ്ടും ബിജെപി സംസ്ഥാന അധ്യക്ഷന് പിഎസ് ശ്രീധരന്പിള്ള. സമരം നല്ല നിലയില് മുന്നോട്ടു കൊണ്ടുപോയതിന് പ്രധാനമന്ത്രി നരേന്ദ്ര മോഡി തന്നെ അഭിനന്ദിച്ചുവെന്ന് ശ്രീധരന്പിള്ള പറഞ്ഞു. മോഡി കൊല്ലത്ത് എത്തിയപ്പോഴാണ് അഭിനന്ദിച്ചതെന്നും ശ്രീധരന്പിള്ള പറഞ്ഞു.
ശബരിമലയിലെ സമരം ഉജ്ജ്വല ജനമുന്നേറ്റമായിരുന്നുവെന്നും ശബരിമലയിലെ ശുദ്ധികലശം കോടതി വിലക്കാത്തതിനാല് അത് കോടതിയലക്ഷ്യമാവില്ലെന്നും ശ്രീധരന്പിള്ള പറഞ്ഞു.
സംസ്ഥാനത്തെ ബിജെപി നേതാക്കന്മാരെ ലോകമെമ്പാടും അറിയാന് അവസരം നല്കിയതായിരുന്നു ശബരിമല വിഷയത്തിലെ സമരമെന്നു കഴിഞ്ഞദിവസം ശ്രീധരന്പിള്ള പറഞ്ഞിരുന്നു. ശബരിമല വിഷയത്തില് അനിശ്ചിതകാലമായി നടത്തിവന്ന സെക്രട്ടേറിയേറ്റിനു മുന്നിലെ നിരാഹാര സമരം ഇന്നലെയാണ് ബിജെപി അവസാനിപ്പിച്ചത്.
പ്രമുഖ സംഘപരിവാര്, ബിജെപി നേതാക്കളെല്ലാം നിരാഹാരസമരം അവസാനിപ്പിക്കുന്ന പരിപാടിയില് പങ്കെടുത്തെങ്കിലും വി മുരളീധരന് എംപിയും ബിജെപി ജനറല് സെക്രട്ടറി കെ സുരേന്ദ്രനും പങ്കെടുക്കാത്തത് പാര്ട്ടിയില് വരുദിനങ്ങളില് പൊട്ടിത്തെറിക്ക് കാരണമാകുമെന്നാണ് സൂചന.
Discussion about this post