തിരുവനന്തപുരം: ശബരിമലയില് ആര് എസ്എസ് അഴിഞ്ഞാട്ടം തുടരുമ്പോള് സോഷ്യല് മീഡിയയിലൂടെ ചിരി പടര്ത്തി ഒ രാജഗോപാല് എംഎല്എ. അദ്ദേഹത്തിന്റെ പ്രസംഗത്തില് ഹരിവരാസനം എന്ന വാക്ക് തെറ്റിച്ചുപറയുന്നു ഇതിനെതിരെയാണ് സോഷ്യല്മീഡിയ പൊങ്കാലയിടുന്നത്. ഹരിവരാസനം എന്ന വാക്കിന് പകരം ഹരിവാസനം, ഗിരിവാസനം എന്നെല്ലാമാണ് ഒ രാജഗോപാല് പറയുന്നത്. അടുത്തുള്ള ചിലരോട് എന്തായിരുന്നു അതെന്ന് രാജഗോപാല് ചോദിക്കുന്നതും ഹരിവരാസനം എന്ന് അവര് പറയുമ്പോള് ‘ആ..ഹരിവാസനം’ എന്ന് രാജഗോപാല് വീണ്ടും തെറ്റിച്ചു പറയുന്നതുമാണ് സോഷ്യല് മീഡിയയില് ചിരി പടര്ത്തിയത്.
‘ശബരിമലയില് ഭക്തന്മാര്ക്ക് ദുരിതമനുഭവിക്കേണ്ട ഗതികേടിലാണ്. ഇന്നലെ രാത്രി നിങ്ങള് ടിവിയില് കണ്ടിട്ടുണ്ടാകും. അവിടെ രാത്രി പത്തരയ്ക്ക് ശേഷം അവിടെ..എന്താണ് ഗിരിവാസനം..എന്ത് വാസനാണ്. ഏ..ആ ഹരിവാസനം പാടിയ ശേഷം അവിടെയുള്ള ഭക്തന്മാരെ അടിച്ചോടിക്കുകയായിരുന്നു പൊലീസ്’ എന്നായിരുന്നു രാജഗോപാല് പറഞ്ഞത്’.
ശബരിമലയില് പ്രതിഷേധിച്ചവരം അറസ്റ്റു ചെയ്തതിന്റെ പിറ്റേന്ന് നടന്ന പ്രസംഗത്തിലാണ് ഈ അമളി പറ്റിയത്. ശബരിമലയില് ഭക്തര്ക്ക് അടിസ്ഥാന സൗകര്യങ്ങള് ഒരുക്കുന്നതില് സര്ക്കാരും ദേവസ്വം മന്ത്രിയും പൂര്ണമായും പരാജയപ്പെട്ടെന്നും ശബരിമലയിലെ സ്ഥിതി പരിതാപകരമാണെന്നുമായിരുന്നു തുടര്ന്ന് നടത്തിയ പ്രസംഗത്തില് എംഎല്എ പറഞ്ഞത്.
എന്നാല് എംഎല്എയ്ക്കെതിരെ വരുന്ന ട്രോള് മഴകേട്ട് ചിരി നിര്ത്താന് കഴിയുന്നില്ല എന്നാണ് പലരും പറയുന്നത്.
‘നട അടയ്ക്കുന്നതിന് മുന്പ് യേശുദാസ് പാടുന്ന ഒരു പാട്ടുണ്ടല്ലോ മക്കളേ അതെന്തുവാ- ബി.ജെ.പി നേതാകളൊക്കെ എന്താ ഇങ്ങനെ..ആകെകൂടി ഉള്ള ഒരു എം.എല്.എ ആണ്. അത് ഈ ഗതിയായി പോയല്ലോ സ്വാമിയേ????’ എന്നുപറഞ്ഞാണ് ചിലരുടെ ട്രോള്..
‘ഗിരിവാസനം, ഛെ അല്ല ഹരിവാസനം, ?? ഇങ്ങേരൊക്കെ ആണ് ആചാരം സംരക്ഷിക്കാന് നടക്കുന്നത്’ എന്നാണ് മറ്റൊരാളുടെ കമന്റ്.
Discussion about this post