വാഷിംഗ്ടണ്‍: ഇത്തിരിപോന്ന അണ്ണാന് കുഞ്ഞ് കാരണം നട്ടം തിരിഞ്ഞ് പോലീസ് ഉദ്യോഗസ്ഥര്‍. അമേരിക്കയിലെ ന്യൂഹാംഷയറിലെ ഒരു പോലീസ് സ്റ്റേഷനിലാണ് സംഭവം. ഗാരേജില്‍ കയറിക്കൂടിയ അണ്ണാനെ പുറത്തേയ്ക്ക് കടത്താന്‍ ശ്രമം നടത്തുകയാണ് ഉദ്യോഗസ്ഥര്‍. രണ്ട് പോലീസുകാരാണ് അണ്ണാന്റെ പിന്നാലെ ഓടുന്നത്. സംഭവത്തിന്റെ ദൃശ്യങ്ങള്‍ സമൂഹമാധ്യമങ്ങളില്‍ വൈറലാകുന്നുണ്ട്.
പോലീസ് ഉദ്യോഗസ്ഥരായ എമേഴ്സണും ഡൗകെറ്റും ചേര്‍ന്നാണ് ഗാരേജില്‍ കയറി കൂടിയ അണ്ണാനെ പുറത്തിറക്കാന്‍ ശ്രമം നടത്തിയത്. ഒരു പ്രതിയുടെ പിന്നാലെയെന്ന പോലെയാണ് പോലീസുകാര്‍ അണ്ണാനെ പുറത്താക്കാന്‍ പായുന്നത്. ഏതെങ്കിലും വിധത്തില്‍ ആ ജീവിക്ക് അപകടമുണ്ടാതെ ശ്രദ്ധിച്ച് പുറത്താക്കാനാണ് പോലീസുകാരുടെ ശ്രമം.
അണ്ണാന് അപകടമൊന്നും സംഭവിച്ചിട്ടില്ലെന്നും ഉദ്യോഗസ്ഥര്‍ ഓകെയാണെന്നും വീഡിയോ ഷെയര്‍ ചെയ്ത് അധികൃതര്‍ അറിയിച്ചു. നിരവധി പേരാണ് ഈ വീഡിയോ കണ്ടത്. സംഭവം ഏതായാലും തരംഗം സൃഷ്ടിച്ച് മുന്നേറുകയാണ്.
Discussion about this post