പിറ്റ്‌സ്ബര്‍ഗ്: അമേരിക്കയെ ഞെട്ടിച്ച് വീണ്ടും വന്‍വെടിവെയ്പ്പ്. പെന്‍സില്‍വാനിയയിലെ പിറ്റ്‌സ്ബര്‍ഗ് നഗരത്തില്‍ ജൂതപ്പള്ളിയിലേക്ക് എത്തിയവര്‍ക്ക് നേരെയാണ് വെടിവയ്പ്പ് ഉണ്ടായത്. ആക്രമണത്തില്‍ 8 പേര്‍ മരിച്ചതായി സ്ഥിരീകരിക്കാത്ത റിപ്പോര്‍ട്ടുകളുണ്ട്. മരിച്ചവരില്‍ മൂന്ന് പോലീസുകാരുണ്ടെന്നും റിപ്പോര്‍ട്ടുകള്‍ സൂചിപ്പിക്കുന്നു. രണ്ട് പോലീസുകാരുള്‍പ്പെടെ നിരവധി പേര്‍ക്ക് പരിക്കേറ്റിട്ടുമുണ്ട്. സ്ഥലത്തെ ട്രീ ഓഫ് ലൈഫ് സിനഗോഗില്‍ എത്തിയവര്‍ക്ക് നേരെയാണ് അക്രമി വെടിയുതിര്‍ത്തത്.
മരണസംഖ്യ ഉയരാന്‍ സാധ്യതയുണ്ടെന്നാണ് പൊലീസ് വിലയിരുത്തല്‍. വെടിവയ്പ്പിനു ശേഷം അക്രമി കീഴടങ്ങിയതായി പോലീസ് അറിയിച്ചു. സംഭവസ്ഥലത്തെത്തിയ പോലീസിനു നേരെയും അക്രമി വെടിവച്ചു. സംഭവത്തില്‍ ഖേദം പ്രകടിപ്പിച്ച് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് ട്വീറ്റ് ചെയ്തു.
Discussion about this post