കാലിഫോര്‍ണിയ: വളര്‍ത്തുനായയെ വഴിയരികില്‍ ഉപേക്ഷിച്ച് ഉടമ കടന്നുകളയുന്ന ദൃശ്യങ്ങളാണ് സോഷ്യല്‍ മീഡിയയില്‍ വൈറലാകുന്നത്. എന്നാല്‍ ഹൃദയഭേതകമായ ഈ കാഴ്ച കണ്ട് സോഷ്യല്‍ ലോകം കണ്ണുനിറയ്ക്കുന്നു. ഇയാള്‍ക്ക്ഹൃദമില്ലേ എന്നാണ് വണ്ടിയുടെ പിന്നാലെ കരഞ്ഞ് കൊണ്ട് ഓടുന്ന നായയുടെ ദൃശ്യങ്ങള്‍ക്ക് താഴെ വരുന്ന കമന്റുകള്‍.
കാലിഫോര്‍ണിയയിലെ ബേക്കെര്‍സ് ഫീല്‍ഡിലുള്ള ലേക്ക് മിംഗിലാണ് ഈ വിഷമിപ്പിക്കുന്ന സംഭവം നടന്നത്. തന്റെ ശരീരത്തിലേക്ക് ചാടി കയറി കളിച്ചു കൊണ്ടിരിക്കുന്ന നായയെ മാറ്റി വിടുവാന്‍ ശ്രമിക്കുന്ന ഉടമ കുറച്ചു സമയത്തിനു ശേഷം നായയെ തള്ളി മാറ്റിയതിനു ശേഷം കാറില്‍ കയറി ഓടിച്ചു പോകുകയായിരുന്നു. പരിഭ്രാന്തിയിലായ നായ കാറിനു പിന്നാലെ ഓടിയെങ്കിലും വാഹനം നിര്‍ത്തുവാന്‍ ഉടമ കൂട്ടാക്കിയിരുന്നില്ല. ഈ സമയം എതിര്‍ വശത്തു നിന്നും വന്ന മറ്റൊരു വാഹനത്തില്‍ ഈ നായ ഇടിക്കുവാന്‍ തുടങ്ങുന്നതും വീഡിയോയില്‍ വ്യക്തമാണ്.
ഇവിടെയുണ്ടായിരുന്ന മറ്റൊരു വാഹനത്തിലെ ഡ്രൈവറാണ് ഈ ദൃശ്യങ്ങള്‍ പകര്‍ത്തിയത്. സോഷ്യല്‍മീഡിയയില്‍ പങ്കുവച്ചിരിക്കുന്ന വീഡിയോ വൈറലായി മാറുകയാണ്. ഇതിനെ തുടര്‍ന്ന് കെണ്‍ കൗണ്ടി ആനിമല്‍ സര്‍വീസ് ഈ ഉടമയ്‌ക്കെതിരെ നിയമനടപടി സ്വീകരിച്ചിട്ടുണ്ട്. മാത്രമല്ല ഇയാളെക്കുറിച്ച് അറിയാവുന്നവര്‍ തങ്ങള്‍ക്ക് വിവരം നല്‍കണമെന്നും അഭ്യര്‍ത്ഥിച്ചിട്ടുണ്ട്
Discussion about this post