അമേരിക്കയിലെ കാലിഫോര്‍ണിയയിലെ ചെറിയ ദ്വീപിലെ ലൈറ്റ് ഹൗസിന്റെ മേല്‍നോട്ടത്തിനായി ദമ്പതികളെ തിരയുന്നു. ലൈറ്റ് ഹൗസ് കീപ്പര്‍ക്കായി അധികൃതര്‍ വാഗ്ദാനം ചെയ്യുന്നത് 130,000 ഡോളറാണ്. അതായത് 92,41,050 രൂപ. ഈസ്റ്റ് ബ്രദര്‍ ലൈറ്റ് സ്റ്റേഷന്‍ നാവികര്‍ക്ക് സമുദ്രത്തിലൂടെ മാര്‍ഗനിര്‍ദേശം നല്‍കാനായി 1874 ല്‍ പണികഴിപ്പിച്ചാണ് ലൈറ്റ് ഹൗസാണിത്.
1960 ല്‍ യന്ത്രവത്കരിച്ച ലൈറ്റ് ഹൗസ് വര്‍ഷങ്ങള്‍ക്കിപ്പുറവും നാവികര്‍ക്ക് വഴിവിളക്ക് കാണിക്കുന്നു. എന്നാല്‍ ഏപ്രിലില്‍ നിലവിലെ ഓപ്പറ്റേറ്റര്‍ ചെ റോഡ്ഗേഴ്സും ജിലിയന്‍ മീക്കറും വിരമിക്കും. അതുകൊണ്ടാണ് ലൈറ്റ് ഹൗസ് കീപ്പേഴ്സായി ദമ്പതികളെ തിരയുന്നത്. താമസവും ഭക്ഷണവും ലൈറ്റ് ഹൗസില്‍ തന്നെ ഒരുക്കിയിട്ടുണ്ടാകും.
അപേക്ഷിക്കാനായി യുഎസ് കോസ്റ്റ് ഗാര്‍ഡ് കൊമേഴ്സ്യല്‍ ബോട്ട് ഓപ്പറേറ്റര്‍ ലൈസന്‍സ് വേണം. പ്രദേശത്ത് സ്ഥിതി ചെയ്യുന്ന അഞ്ച് മുറികളുള്ള സത്രത്തിലേക്ക് അക്കരെ നിന്നും അതിഥികളെ ബോട്ടില്‍ കൊണ്ടുവരേണ്ടി വരും. അതിനാണ് ലൈസന്‍സ്. തസ്തികയിലേക്ക് അപേക്ഷകള്‍ ക്ഷണിച്ചിട്ടുണ്ട്. http://www.ebls.org/about/keeperssearch.html എന്ന വെബ്സൈറ്റിലൂടെ അപേക്ഷിക്കാം.