യുകെയില്‍ കാര്‍ അപകടം; എറണാകുളം സ്വദേശിക്ക് ദാരുണാന്ത്യം

ന്യൂഡല്‍ഹി: യുകെയില്‍ വാഹനാപകടത്തില്‍ എറണാകുളം സ്വദേശിക്ക് ദാരുണാന്ത്യം. കാലടി കൈപ്പട്ടൂര്‍ കാച്ചപ്പിള്ളി വീട്ടില്‍ ജോയല്‍ ജോര്‍ജ് (24) ആണ് മരിച്ചത്. കഴിഞ്ഞ ഞായറാഴ്ച്ച പള്ളിയില്‍ പോകുമ്പോള്‍ ജോയല്‍ ജോര്‍ജ്ജ് സഞ്ചരിച്ച കാര്‍ അപകടത്തില്‍ പെട്ടിരുന്നു. ഗുരുതരമായി പരിക്കേറ്റ ജോയലിനെ ആശുപത്രിയിലേക്ക് മാറ്റുകയും നില വഷളായതോടെ വെന്റിലേറ്ററിലാക്കുകയും ചെയ്തിരുന്നു. ചൊവ്വാഴ്ച്ച ജോയല്‍ മരണത്തിന് കീഴടങ്ങി. മാതാപിതാക്കളായ ജോര്‍ജും ഷൈബിയും യുകെയിലാണ് താമസം.