മ്യൂണിച്ച്: തന്റെ വിശപ്പിനും ഭക്ഷണത്തിനും മുകളില്‍ ജീവന് വില കല്‍പ്പിച്ച് സോഷ്യല്‍മീഡിയയുടെ പ്രിയങ്കരനായിരിക്കുകയാണ് ഈ പോളാര്‍ കരടി. ഭക്ഷണമായി വെള്ളത്തിലേക്ക് ഇട്ടു നല്‍കിയ പക്ഷിയുടെ ജീവന് രക്ഷിക്കാന്‍ കിണഞ്ഞ് ശ്രമിച്ച പോളാര്‍ ബിയറിന്റെ വീഡിയോ സോഷ്യല്‍മീഡിയ ഏറ്റെടുത്തിരിക്കുകയാണ്.
ഭക്ഷണമായി കിട്ടിയെ പക്ഷിയെ രക്ഷിക്കുവാന്‍ ശ്രമിക്കുന്ന കരടിയുടെ ദൃശ്യം ജര്‍മ്മനിയിലെ ഒരു മൃഗശാലയില്‍ നിന്നാണ് പുറത്തുവന്നിരിക്കുന്നത്. സന്ദര്‍ശകരില്‍ ആരോ പകര്‍ത്തി സോഷ്യല്‍മീഡിയയില്‍ പോസ്റ്റ് ചെയ്യുകയായിരുന്നു ദൃശ്യങ്ങള്‍.
വെള്ളത്തില്‍ വീണു കിടക്കുന്ന പക്ഷിയെ തന്റെ കരങ്ങള്‍ക്കൊണ്ട് എടുത്ത് അന്തരീക്ഷത്തിലേക്ക് ഉയര്‍ത്തുകയും ശേഷം കോണ്‍ക്രീറ്റിനു മുകളില്‍ പോളാര്‍ ബിയര്‍ അതിനെ എടുത്ത് വയ്ക്കുന്നതുമാണ് വീഡിയോയിലുള്ളത്. എന്നാല്‍ ഈ പക്ഷിയെ കരടി വീണ്ടും വെള്ളത്തിലേക്ക് ഇടുന്നതും വീഡിയോയിലുണ്ട്.
