കരോലീന: അക്രമി പിന്നാലെ വന്നതിനെ തുടര്‍ന്ന് പെണ്‍കുട്ടി ഓടിക്കയറിയത് കരാട്ടെ സ്‌കൂളില്‍. പെണ്‍കുട്ടിയെ തട്ടികൊണ്ടുപോകാനാണ് അയാള്‍ പിന്നാലെ കൂടിയത്. എന്നാല്‍ പിന്നീട് സംഭവിച്ചത് ഇങ്ങനെ..
യുഎസിലെ നോര്‍ത്ത് കരോലീനയിലെ ഷാര്‍ലറ്റിലാണു സംഭവം. വ്യാഴാഴ്ച രാത്രി പെണ്‍കുട്ടിയെ തട്ടികൊണ്ടുപോകാന്‍ ഇയാള്‍ ശ്രമിച്ചു. എന്നാല്‍ പെണ്‍കുട്ടി കുതറിയോടി അടുത്തുള്ള ബുഷികെന്‍ കരാട്ടെ പരിശീലനകേന്ദ്രത്തില്‍ അഭയം പ്രാപിച്ചു, ഒപ്പം അക്രമിയും ചെന്നു. എന്നാല്‍ ഇവിടത്തെ പരിശീലകന്‍ റാണ്ടാല്‍ എഫ്രായിം അക്രമിയോടു സംസാരിച്ചു പിന്തിരിപ്പിക്കാന്‍ ശ്രമിച്ചെങ്കിലും നടന്നില്ല.
എന്നാല്‍ വീട്ടിലെ പ്രശ്‌നമാണ് അവളെ വിട്ടുതരണമെന്ന് അയാള്‍ പറഞ്ഞു. എന്നാല്‍ അയാളെ അറിയില്ലെന്നും രക്ഷിക്കണമെന്നും കുട്ടി ആവശ്യപ്പെട്ടു. പിന്നെ ഒന്നും നോക്കിയില്ല. എഫ്രായിം അക്രമിയെ കരാട്ടെ കൊണ്ടു നേരിട്ടു. അധികം വൈകാതെ അക്രമി നിലംപരിശായി. തുടര്‍ന്ന് പോലീസെത്തി ഇയാളെ ആശുപത്രിയിലാക്കിയെന്ന് സിഎന്‍എന്‍ റിപ്പോര്‍ട്ട് ചെയ്തു
Discussion about this post