മെക്‌സിക്കോ സിറ്റി: സത്യപ്രതിജ്ഞ ചെയ്ത് രണ്ട് മണിക്കൂറിനുള്ളില്‍ മേയര്‍ വെടിയേറ്റ് മരിച്ചു. തെരുവിലാണ് അദ്ദേഹം വെടിയേറ്റ് മരിച്ചത്. മെക്‌സിക്കന്‍ സംസ്ഥാനമായ ഒവാസാക്കയിലാണ് സംഭവം. ത്‌ലാക്‌സിയാക്കോ നഗരത്തിലെ മേയര്‍ അലഹാന്ദ്രോ അപാരിച്ചിയോയാണ് കൊല്ലപ്പെട്ടത്.
ചൊവ്വാഴ്ച അധികാരമേറ്റെടുത്തശേഷം അനുയായികള്‍ക്കൊപ്പം സിറ്റി ഹാളിലേക്കു പോകവേയാണ് ആക്രമിക്കപ്പെട്ടത്. ഒപ്പമുണ്ടായിരുന്ന പോലീസുകാരന്‍ ഉള്‍പ്പെടെ മൂന്നു പേര്‍ക്കും വെടിയേറ്റു. ഇതിലൊരാളും മരിച്ചു.
സംഭവവുമായി ബന്ധപ്പെട്ട് മുപ്പത്തിനാലുകാരനെ പോലീസ് അറസ്റ്റ് ചെയ്തു. ഇയാള്‍ നോര്‍ത്തേണ്‍ മെക്‌സിക്കോയിലെ മുന്‍ പോലീസ് ഉദ്യോഗസ്ഥനാണെന്ന് മെക്‌സിക്കന്‍ അധികൃതര്‍ അറിയിച്ചു. 2006 മുതല്‍ 72 മേയര്‍മാര്‍ മെക്‌സിക്കോയില്‍ കൊല്ലപ്പെട്ടിട്ടുണ്ട്.
Discussion about this post