ബൈക്കില്‍ സമീപത്തുകൂടെ പോകുകയായിരുന്ന യുവാവിനെ ചവിട്ടി വീഴ്ത്താന്‍ ശ്രമിച്ച യുവതിയ്ക്ക് കിട്ടിയത് എട്ടിന്റെ പണി. യുവതി റോഡിലേക്ക് നടുവും കുത്തിവീഴുന്നതാണ് വീഡിയോയിലുള്ളത്. ഈ വീഡിയോ ഇപ്പോള്‍ സമൂഹമാധ്യമങ്ങളില്‍ വൈറലായിരിക്കുകയാണ്.
പിങ്ക് നിറത്തിലുള്ള ഇരുചക്ര വാഹനത്തില്‍ ഒരു യുവതിയും യുവാവും സഞ്ചരിക്കുകയാണ്. വാഹനത്തിന്റെ പിന്‍സീറ്റിലിരിക്കുകയാണ് യുവതി. ഇവരുടെ സമീപത്തു കൂടി മറ്റൊരാള്‍ ബൈക്കില്‍ കടന്നുപോകുന്നുണ്ട്.
ആ ബൈക്കില്‍ സഞ്ചരിക്കുന്നയാളെ ചവിട്ടി വീഴ്ത്താന്‍ ശ്രമിക്കുകയാണ് യുവതി. എന്നാല്‍ കാലു പൊക്കിയതോടെ ബാലന്‍സ് തെറ്റി യുവതി നേരെ റോഡിലേക്കു വീഴുകയാണ്. പുറകിലിരുന്ന യുവതി വീണത് അറിയാതെ ബൈക്ക് ഓടിച്ചിരുന്ന വ്യക്തി അല്‍പദൂരം സഞ്ചരിക്കുകയും ചെയ്തു. ഏതാനും നിമിഷങ്ങള്‍ക്കകം അദ്ദേഹം വാഹനം നിര്‍ത്തി യുവതിയുടെ സമീപത്തേക്ക് നടന്നു വരുന്നതും വീഡിയോയില്‍ ഉണ്ട്.
Read Also: ‘ആദിപുരുഷ് സിനിമയല്ല, ശ്രീരാമനോടുള്ള ഭക്തിയാണ്’: സംവിധായകന്‍ ഓം റൗത്ത്
സോഷ്യല്‍ മീഡിയയില്‍ എത്തി നിമിഷങ്ങള്‍ക്കകം തന്നെ വീഡിയോ വൈറലായി. എവിടെയാണ് സംഭവം നടന്നതെന്ന് വ്യക്തമല്ല. വീഡിയോക്ക് താഴെ യുവതിയുടെ പ്രവര്‍ത്തിയെ വിമര്‍ശിക്കുന്ന രീതിയില്‍ നിരവധി കമന്റുകളും എത്തി. കര്‍മം തിരിച്ചടിച്ചു. എന്നാണ് ഒരാള്‍ കമന്റ് ചെയ്തത്. അവര്‍ അത് അര്‍ഹിക്കുന്നു എന്നാണ് മറ്റൊരാള്‍ കമന്റ് ചെയ്തത്.
Discussion about this post