ബൊഗോട്ട: കൊളംബിയയില്‍ ബസ് 150 അടി താഴ്ചയിലേയ്ക്ക് മറിഞ്ഞു. ഏഴ് പേരുടെ ജീവനാണ് അപകടത്തില്‍ പൊലിഞ്ഞത്. നിരവധി പേര്‍ക്ക് പരിക്കേറ്റിട്ടുമുണ്ട്. ബോയോക്കയിലെ സാന്‍ മാറ്റോയില്‍ വച്ചാണ് സംഭവം. 19 പേരുമായി സഞ്ചരിച്ച ബസ് മലയിടുക്കില്‍ താഴേക്ക് പതിക്കുകയായിരുന്നു.
മരിച്ചവരില്‍ ഏറെയും കര്‍ഷകരാണ്. മാര്‍ക്കറ്റിലേയ്ക്ക് പോകും വഴിയാണ് അപകടം സംഭവിച്ചത്. കാലപഴക്കം ചെന്ന ബസിന്റെ നിയന്ത്രണം നഷ്ടപ്പെട്ടതാണ് അപകടകാരണമെന്നാണ് പ്രാഥമിക നിഗമനം. ബസ് അനധികൃതമായാണ് സര്‍വീസ് നടത്തിയിരുന്നതെന്ന് അധികൃതര്‍ പറഞ്ഞു.
Discussion about this post