ഇസ്ലാമാബാദ്: കാശ്മീര് വിഷയത്തില് ഇന്ത്യയ്ക്കെതിരെ തിരിഞ്ഞ് കുത്തി പാക് പ്രധാനമന്ത്രി ഇമ്രാന് ഖാന് വീണ്ടും രംഗത്ത്. പുല്വാമയിലുണ്ടായ ഏറ്റുമുട്ടലില് നാട്ടുകാരില് ചിലര് കൊല്ലപ്പെട്ടതിനെ ചൂണ്ടിക്കാണിച്ചാണ് ഇന്ത്യയെ പഴി ചാരി ഇമ്രാന് ഖാന് സംസാരിച്ചത്. തങ്ങളുടെ നിഷ്കളങ്കരായ ജനതയെ ഇന്ത്യന് സുരക്ഷാസേന കൊലപ്പെടുത്തിയെന്നായിരുന്നു അദ്ദേഹം പറഞ്ഞത്
അതേസമയം ചര്ച്ച മാത്രമാണ് കാശ്മീര് വിഷയം പരിഹരിക്കാന് സഹായകമാകുക. കൊലപാതകങ്ങളും അക്രമവും പ്രശ്നപരിഹാരമാകില്ല. ഇന്ത്യയുടെ മനുഷ്യാവകാശലംഘനത്തെക്കുറിച്ച് ഐക്യരാഷ്ട്രസഭാ രക്ഷാസമിതിയെ അറിയിക്കുകയും ജമ്മു-കാശ്മീരില് ഹിതപരിശോധന നടത്താന് ആവശ്യപ്പെടുകയും ചെയ്യും.’ ഇമ്രാന് ട്വീറ്റ് ചെയ്തു.
ശനിയാഴ്ചയുണ്ടായ ഏറ്റുമുട്ടലില് മൂന്ന് ഭീകരരെ സുരക്ഷാ സേന വധിച്ചു. രഹസ്യ വിവരത്തെ തുടര്ന്നായിരുന്നു സൈന്യം പുല്വാമയിലെ സിര്നോയില് തെരച്ചില് നടത്തിയത്. തുടര്ന്നായിരുന്നു ഏറ്റുമുട്ടല്. തെരച്ചിലിനിടെ ഭീകരര് സൈന്യത്തിനു നേര്ക്ക് വെടിയുതിര്ക്കുകയായിരുന്നു. തുടര്ന്നു സൈന്യം ശക്തമായി തിരിച്ചടിച്ചു. ഭീകരുമായി ഏറ്റുമുട്ടലുട്ടല് നടക്കുന്നതിനിടെ സൈനികരെ തടയാനെത്തിയ നാട്ടുകാരില് ചിലരാണ് കൊല്ലപ്പെട്ടതെന്നാണ് വിവരം.
Discussion about this post