ലിസ്ബണ്‍: ഇറ്റാലിയന്‍ ക്ലബ്ബ് യുവെന്റസിന്റെ പോര്‍ച്ചുഗല്‍ താരം ക്രിസ്റ്റിയാനോ റൊണാള്‍ഡോയ്ക്ക് കൊവിഡ് 19 സ്ഥിരീകരിച്ചു. പോര്‍ച്ചുഗല്‍ ഫുട്ബോള്‍ അസോസിയേഷനാണ് താരത്തിന് കൊവിഡ് സ്ഥിരീകരിച്ച വിവരം പുറം ലോകത്തെ അറിയിച്ചത്.
യുവേഫ നാഷന്‍സ് ലീഗിന്റെ ഭാഗമായി നിലവില്‍ പോര്‍ച്ചുഗല്‍ ദേശീയ ടീമിനൊപ്പമാണ് റൊണാള്‍ഡോ. ഫ്രാന്‍സിനെതിരായ കഴിഞ്ഞ മത്സരത്തില്‍ താരം കളിക്കുകയും ചെയ്തിരുന്നു. ടീം അംഗങ്ങള്‍ക്കായി നടത്തിയ പരിശോധനയിലാണ് റൊണാള്‍ഡോയ്ക്ക് വൈറസ് ബാധ സ്ഥിരീകരിച്ചത്.
അതേസമയം, താരത്തിന് രോഗലക്ഷണങ്ങള്‍ ഒന്നും തന്നെ ഉണ്ടായിരുന്നില്ലെന്ന് പോര്‍ച്ചുഗല്‍ ഫുട്ബോള്‍ അസോസിയേഷന്‍ അറിയിച്ചു. രോഗം സ്ഥിരീകരിച്ചതിന്റെ അടിസ്ഥാനത്തില്‍ താരത്തെ ഐസൊലേഷനില്‍ പ്രവേശിപ്പിച്ചിരിക്കുകയാണ്.