പാരീസ്: ഫ്രാന്‍സിലെ ഈഫല്‍ ടവറിന് ബോംബ് ഭീഷണി. ടവറില്‍ ബോംബ് വെച്ചിട്ടുണ്ടെന്ന് അജ്ഞാതന്റെ ഫോണ്‍ സന്ദേശം വരികയായിരുന്നു. ഇതിന്റെ അടിസ്ഥാനത്തില്‍ ഈഫല്‍ ടവറില്‍ നിന്ന് സന്ദര്‍ശകരെ ഒഴിപ്പിച്ചു.
പോലീസിനെത്തിയ അജ്ഞാത ഫോണ്‍ സന്ദേശത്തിന് പിന്നാലെ മുന്‍കരുതല്‍ നടപടിയെന്നോണമാണ് സന്ദര്‍ശകരെ ഒഴിപ്പിച്ചതെന്ന് ഈഫല്‍ ടവര്‍ നടത്തിപ്പ് കമ്പനിയുടെ വക്താവ് പ്രതികരിച്ചു. ഈഫല്‍ ടവറിനു സമീപത്ത് സേനാംഗങ്ങളെ വിന്യസിച്ചിട്ടുണ്ടെന്നും സ്ഥലത്ത് പരിശോധന നടത്തിവരുന്നതായും പാരിസ് പോലീസ് അറിയിച്ചു.